عباس أبو الحسن: دخلت في حالة اكتئاب بسبب رفض أعمالي.. ولا أمانع الزواج للمرة الثالثة
كشف الفنان والسيناريست عباس أبو الحسن تفاصيل إصابته بالاكتئاب، بجانب الحديث عن إمكانية زواجه مرة أخرى.
وقال عباس أبو الحسن خلال لقائه في برنامج أسرار النجوم: أنا مريت بمرحلة اكتئاب بسبب رفض الأعمال اللي بكتبها، وبقيت أحس إني مش متحكم في قدري وخصوصًا أن الكتابة بتتطلب وحدة وهدوء بشكل مرعب ومحدش عارف لحد دلوقتي الجمهور عايز إيه أو الأعمال بتنجح ليه وإلا كان كلنا نجحنا.
وأضاف عباس أبو الحسن: الفن بيكون نابع من الألم وهو دا اللي بيطلع الابداع ولو الطاقة دي مطلعتش في عمل فني هتدمر الفنان وبالتالي الكتابة بالنسبة لي علاج وبتخليني أحس إني موجود في الحياة وبجاهد عشان أحافظ على موهبتي.
كما تطرق عباس أبو الحسن للحديث عن إمكانية زواجه مرة أخرى، قائلا: أنا اتجوزت مرتين وممكن أتزوج مرة ثالثة، لأني اتغيرت وكبرت ومبقتش أناني وبقيت متعاطف مع الناس ومش بحكم عليهم بسرعة، ولكن فكرة الزواج مش سهلة وخطوة صعبة ومحتاجة تفكير وعقل لأن الانجذاب مع الوقت بيروح فلازم أكون حابب وعارف ومتقبل ما أنا مقبل عليه.
آخر أعمال عباس أبو الحسن
وشارك عباس أبو الحسن في العديد من الأعمال الفنية التي حققت نجاحا كبيرا، كان آخرها فيلم أشباح أوروبا بالتعاون مع العديد من الفنانين، أبرزهم هيفاء وهبي وأحمد الفيشاوي وباسم سمرة وغيرهم.
