خدوا العفش على أساس أنهم معرض.. هدى الإتربي عبر حسابها: تعرضت للنصب من شركة نقل الأثاث
نشرت الفنانة هدي الإتربي، عبر حسابها الشخصي بموقع انستجرام تفاصيل تعرضها للنصب من قبل إحدى الشركات المختصة بنقل الأثاث.
النصب على هدى الإتريي
وقالت الفنانة هدى الإتربي، عبر حسابها الشخصي بموقع التواصل الاجتماعي انستجرام: مساء الخير يا جماعة دول نصبوا عليا أنا تعاملت معاهم بياخدوا الفلوس والعفش على أساس أنهم معرض، والمفروض يسلموا الحاجة بقالهم أكتر من 4 شهور وكل مرة يديني معاد للتسليم ويقفل تليفونه.
وأضافت الإتربي: المكان بتاع المعرض اللي قال عليه طلع غلط، ومش كاتب مكان للمعرض بتاعه على الصفحة اللي بيتعامل منها، وكل الصور اللي عنده من صفحات تانية وأنا هاخد إجراء قانوني معاه ياريت أي حد يخلي بالو ودي الأرقام اللي بحاول اتواصل بيها واللي الصفحة بعتتهالي أنه ده صاحب المكان كلهم مقفولين.
وأتبعت الفنانة: اكتشفت لما جبت البطاقة بتاعه صاحب المعرض أنه مش مهندس أصلا وأنا اتخذت ضده أجراء قانوني، وبدء يتفتح تحقيق فى الواقعة، ولما المحامي كلمة انكر انه أخدت منى فلوس.
وفى وقت سابق تلقت غرفة عمليات شرطة النجدة بمديرية أمن القاهرة، إخطارا من قسم شرطة المقطم، يفيد بورود بلاغ من الفنان صبري عبدالمنعم أحمد حسين، 78 عاما، يتهم فيه نيفين. ع، وعبد المنعم. ط، بالنصب عليه في شقة ملك الشاكي بدائرة القسم، وتم بيعها بمبلغ مالي 36 ألف دولار لصالح شركة المقاولات ملك الأولى.
وكشفت التحريات الأولية أن الأولى هي ممثلة الشركة المشار إليها، حيث حررت له شيكا بنكيا بالمبلغ المتفق عليه 36 ألف دولار، ولكنه تفاجأ بعد تسليم الشقة من الشركة بأن المدعوة نيفين، نصبت عليه في مبلغ مالي قدره مليون و900 ألف جنيه بعد تحريره لها توكيل عام بيع الشقة.
