السيسي: يزداد كل يوم تقديري للجهد المبذول من الأكاديمية العسكرية في فترة تعتبر مهمة جدًا
قال الرئيس عبد الفتاح السيسي، رئيس الجمهورية، إننا نستعد اليوم لحدثين في وقت واحد، وهما تخريج دفعة جديدة من الأكاديمية العسكرية المصرية واستقبال دفعة جديدة من الطلبة، قائلًا: بالمتابعة مع القوات المسلحة أنا بطمئن دايمًا عليكم، وحتى من خلال الزيارة واللقاءات بيكم والحديث معكم يزداد كل يوم تقديري للجهد المبذول والإعداد اللي بتقوم بيه الأكاديمية في فترة تعتبر مهمة جدًا، ونحن كل يوم في تطوير مستمر.
السيسي مع طلاب الأكاديمية العسكرية
وأضاف السيسي، خلال كلمته اليوم بالأكاديمية العسكرية المصرية، اطمئنوا مش عشان احنا موجودين لا عشان انتم موجودين، وقبلنا ربنا موجود، مطلع علينا وشاهد إنه بالرغم من الظروف الصعبة بنعمل بجد في كل القطاعات والمجالات، ومصرين بفضل الله أن موضوع الأزمة الاقتصادية نوجد لها حلولا نهائية، لازم خلال خطة طموحة جدًا، موضوع الاقتصاد والصناعة ومستلزمات الإنتاج، وتقليل فاتورة استيراد، بدايل تغطي المنتجات اليومية.
وأكد السيسي: مهما كان إنتاجنا الزراعي، اللي أنا بقول بكل تواضع إن إحنا خلال سنة بالكتير، هنكون دخلنا على خريطة سينا أكثر من 450 ألف فدان، وفي الدلتا حوالي 2 مليون فدان، وتوشكا وشرق العوينات حوالي مليون، وبني سويف وغيرها، وكل ده بالإضافة للي موجود قبل كده ولسه، لإننا 105 مليون مواطن، وفيه معانا 9 مليون محتاجين حاجتهم تكون متوفرة في مصر.
