عمر أحمد أحد المشاركين بفيلم the deepest breath: الغطس الحر رياضة ممتعة.. وبنتعامل عادي مع القرش
تحدث عمر أحمد مدرب الغطس الحر وأحد المشاركين في فيلم the deepest breath عن مشاهده في العمل، وعن مهنة الغطس الحر والصعوبات الذي يواجهونها داخل البحر.
وقال عمر أحمد في تصريحات خاصة لـ القاهرة 24: ظهرت في فيلم the deepest breath بمشهدين، والعمل مأخوذ من hard disk من حياة ستيف صديقي المتوفى، ومنصة نتفليكس اشترت الفيلم وليس من إنتاجها.
وعن الضغط الذي يواجهونه داخل البحر، أضاف عمر أحمد: بنواجه الضغط طول الوقت تحت المياة وبنتعامل معاه دائمًا.. وبنغطس من غير تانكات، وظهرت في العمل بسبب أني صديق ستيف وكنت عايش معاه، واللي الجمهور هيشوفه في الفيلم هو حياتنا.
عمر أحمد أحد المشاركين في فيلم the deepest breath: أحب أقول للجمهور إن الغطس رياضة ممتعة
ووجه عمر رسالة للجمهور عن الغطس الحر، قائلًا: أحب أقول للجمهور إن الغطس رياضة ممتعة وزيها زي أي حاجة في الدنيا، وهي extreme sport، ولكن فيها معايير للسلامة والمشكلة أن الناس ممكن تاخد ثقة في نفسها شوية، والغطس الحر هو زي المشي تحت الميه وهي بوابة بتفتحلك عالم البحر.
واختتم عمر حديثه: مبنعملش قلق كبير تحت الماية لأن مفيش أكسجين، وبنغطس من غير تانكات، حتى لو قابلنا قروش بيتعاملوا معانا عادي، لأن شكلنا بالنسبة للسمك مش مخيف.
