بعد تصريحات صادمة عن مطاعم ومصانع.. تخصيص جروب لكشف كواليس صناعة المأكولات
طالب مستخدم عبر فيس بوك، يدعى حسام أوشا، مستخدمي مواقع التواصل الاجتماعي العاملين بالمطاعم، بالكشف عن كواليس تحضير الأطعمة، حتى انهالت عليه التعليقات الصادمة من تحضير الطعام بالمطاعم، التي تمثلت في وجود فئران ودهس بالأرجل.
شكاوى من مطاعم.. وتدخل من المسؤولين
وقال أوشا: بعيدا عن محتوى الصفحة، البوست ده مهم جدا جدا ومرعب؛ الناس اللي اشتغلت في مكان ياريت تنورنا بالبلاوي اللي شافتها فيه، واحنا هنحاول ننزل سكرينات هنا في الكومنت موجودة في البوست ده بتوضح إحنا ازاي بنتغفل.
وبعد ساعات قليلة من نشر البوست، علق حساب باسم محمود سيد قائلا: كنت شغال في مطعم فرايد تشكين والمطبخ كله مليان صراصير والزيت بيقعد بالـ 10 أيام، مبيتغيرش ومفيش نضافة خالص في الفراخ.
وبعدها زعم أوشا قائلا: تواصل معايا دكتور من مكتب المتابعة في وزارة الصحة وبلغته كل بيانات المطعم، وعلى الله التساهيل، لأن دي أرواح ناس وربنا شاهد إن مفيش كلمة قولتها غلط.
لم يقف مطلب حسام عند هذا الحد، بل دشن مجموعة عبر فيس بوك، تتضمن شكاوى العاملين بالعديد من القطاعات، تكشف كواليس التحضيرات الفاسدة، داخل المطاعم والشركات والجمعيات.
طهي دجاج منتهي الصلاحية
وكتب حساب باسم عشق الحياة زاعما: كنت شغالة في مطعم فرايد تشكين كبير في مول مصر، ممكن يرموا أي حاجة منتهية الصلاحية إلا الفراخ، وفي مرة طلعوا فراخ منتهية الصلاحية وريحتها ضاربة ومعفنة، ولما قولت للمشرف ده حرام تتعمل، قالي مينفعش تترمي.
فيما زعم مستخدم آخر قائلا: دخلت مصنع بيعمل مصنعات اللحوم برجر، واكتشفت مصيبة كل الحاجات دي بتتصنع من الدهنة والفشة والكرشة والجلد والفراخ الميتة، أي حاجة منتهية الصلاحية بتدخل في مفرمة 5 حصان مع لون، والمطعم فيه منه في الإسكندرية والمطرية.
جمعية تفضح العملاء
لم يقتصر الأمر على المطاعم فقط، بل نشر مستخدم تجربة العمل داخل إحدى الجمعيات، فكتب: كنت شغال في جمعية المفروض بتمول مشاريع صغيرة بفائدة أقل، المهم كانوا دايما شعارهم نحن لا نهدف إلا للربح، وأنهم بيرفعوه من مستوى معيشة الناس متوسطة الدخل، ولما كان حد يتأخر في سداد القسط بينزلوا عند بيته ويفضحوه، وممكن توصل أنهم يخلوه يبيع أثاث بيته من ثلاجة أو غسالة، عشان يدفع القسط.
ونشر مستخدم آخر: كان في ناس بييجوا يبيعوا آيس كريم، وحد يلحسوا قبل ما ياخده الزبون، لو بيبعهوله من الباك إيريا، مرة زبائن خدوا جاتوه ورموا العلبة في الزبالة، جه صاحب المحل خد العلبة من الزبالة ومسحها كويس ورجعها تشتغل تاني وقال وفرنا 8 جنيه.
