ما ينوب المخلص إلا تقطيع هدومه.. شاب يستغيث بالزيتون: ضربوني واعتدوا عليا وأنا بحجز بينهم |فيديو
تعرض شاب يدعي محمد حسن مقيم بمنطقة الزيتون، ويعمل على أحدي عربات الوافل والشيكولاتة للاعتداء هو وصديقة، من قبل مجموعة من الأشخاص خلال عملهم، وإصابتهم بأصابات خطيرة وتم نقلهم للمستشفي لتلاقي العلاج.
شاب يستغيث بالزيتون: شابين ضربوني واعتدوا عليا وأنا بحجز بينهم
سبب المشكلة كانت بين شخصين بسبب أولوية المرور في الطريق العام، وحدثت مشادة كلامية بينهم وقال أحدهم للآخر هروح الفلوس اللي معايا وهرجعلك تاني، ورجع بعد شوية ومعاه مجموعة كبيرة من الشاب وأخواته، وقعدوا يشيتموا وهما واقفين وكان صاحب المشكلة الأساسي مش موجود، وكان فيه واحد اسمه إيهاب قالوا الشخص اللي انت عايزه مش موجود وعيب الألفاظ دي، فجأة لقيناهم أي حد بيقابلهم بيضربوه، وأنا واخد 15 غرزة وطعنة تحت القلب و10 في إيدي، وصديقي إيهاب في العناية دلوقتي في مستشفي المطرية.
وأضاف المجني عليه: رحت المستشفى وعملت تقرير طبي ومحضر ولقيت بعد كدة هما عاوزين يعملو محضر قدام محضر وعايزينا نعمل تصالح بالعافية وانا عايز حقي قانوني احنا مش عايزني غير حقنا، أكتر مشهد أثر فيا هو أن الناس كانت بتتفرج ومحدش بيحوشهم وأنا كنت بقولهم عيب يا جماعة لما جم عند عربية الوافل ضربوا إيهاب وخدوني معاه، وأنا متأكد أن قسم الزيتون مش هيسبني وهاخد حقي.
وتابع المجني: إن صديقه إيهاب دخل العمليات بعد ما خيطوا ضهرو وأيدو غير إن الأوتار مقطوعه، ورسالته للمتهم منك لله علشان احنا معملناش حاجه وانت أصلا محصلكش حاجه واحنا مكناش طرف وانت جيت افتريت.
واستكمل: المتهمين مش من المنطقه جم ضربوا وكانو سايبين مكن علي أول الشارع وأول ما ضربوا طلعوا جري ومحدش شافهم ولا قدر يمسكهم
واختتم كلامة: أنا نفسي أخد حقي قانوني انا مش بتاع مشاكل وانا اول مرة اشوفهم وكان معاهم واحد بنعتبره أخ كبير فاحنا مدخلناش وانا اتعورت وهو فضل واقف وقبلها كان مضروب ومتعور في عينه راح عمل محضر إن أحنا اللي ضربناه وهو من المنطقه هنا.
