محمد حماقي: الفن ليس ترفيهيا فقط.. والشعب العربي راقِ ولديه عادات لابد من احترامها
كشف الفنان محمد حماقي، عن الأغاني التي تحدث فيها عن نفسه، بجانب حديثه عن أهمية الفن ودوره التثقيفي.
وقال محمد حماقي في تصريحات إذاعية: فيه أكثر من أغنية بمشواري كنت بتكلم فيهم عن نفسي، زي ما بلاش وبعدنا ليه، ولكن المغني الشاطر هو ممثل شاطر لازم يكون عنده القدرة على التعبير عن مشاعر الناس، الغناء تمثيل صوتي، أنت بتمثل حالة الأغنية بصوتك.
أما عن أهمية الفن، فعلق محمد حماقي قائلًا: الفن مش ترفيهي فقط، هو فيه جزء تثقيفي مهم جدًا ومينفعش نغفل عنه، والشعب العربي راقي وعنده عادات وتقاليد لازم طول الوقت نكون بنحترمها.
كما كشف محمد حماقي، عن سر استمراريته، قائلًا: الإخلاص والشغف للي بقدمه وعندي أهداف في الفن، ولازم الفنان يكون عنده مشروع وشيء بيقدمه وفيه حاجة جواه بتحركه، مش بس صوته حلو وبيغني وخلاص.
محمد حماقي: إحنا سنة أولى ذكاء اصطناعي.. والمهم ميأذيش حد
وعلى جانب آخر، تحدث حماقي مؤخرًا عن رأيه في الذكاء الاصطناعي، حيث قال خلال المؤتمر الصحفي الخاص بحفله في مهرجان قرطاج: لازم نستخدم الذكاء الاصطناعي من غير ما نؤذي حد ونقنن الذكاء الاصطناعي داخل الفن من غير ما نتعدى على حدود حد.
وأضاف: إحنا لسه سنة أولى ذكاء اصطناعي، وهو شيء هيتطور جدًا وأهم حاجة ميأذيش حد، أنا شوفت حاجات مرعبة لقيت ناس صحابي بيرقصوا على الذكاء الاصطناعي مبقتش عارف هل هو ده فعلا ولا مش هو.
