مدحت العدل: من السذاجة إننا نوقف فيلم.. ولو مشينا بمنطق الخوف مكنش بقى عندنا سينما
تحدث السيناريست مدحت العدل، عن دور الرقابة في السينما المصرية، وأكد أنه من الضروري أن يتم عمل تصنيف عمري للافلام، بدلًا من منعها من العرض.
وقال مدحت العدل، خلال حواره مع القاهرة 24: مفيش فيلم بيطلع الناس مظاهرات، ومن السذاجة إننا نوقف فيلم، ممكن أعمل تصنيف عمري، ده دور الرقابة، ومع ذلك في مواضيع كلنا عارفين إننا مش بنقربلها، زي الدين.
وأكمل العدل: لكن مينفعش نحكم على فكرة ونقول الفكرة دي مش هتناسب الناس، عشان لو مشينا على هذا النمط من التفكير، مكنش هيطلع فيلم الهروب، ولا البرئ ولا التخشيبة ولا الإرهاب والكباب، اللي هما عيون السينما المصرية، ولو كنا مشينا بمنطق الخوف من كل حاجة، مكنش هيكون في سينما.
على جانب آخر، كان كشف مدحت العدل، الأعمال التي يعتز بها خلال مشواره الفني، وقال: بعتز بفيلم آيس كريم في جليم لأنه أول فيلم أقدمه في السينما، وفيلم أمريكا شيكا بيكا، لأنه أول فيلم اتكلم عن الهجرة غير الشرعية، وكذلك فيلم صعيدي في الجامعة الأمريكية، لأن الفيلم ده قام بتغيير السينما في المنطقة العربية.
مدحت العدل: كنت أتمنى تقديم لأعلى سعر في 15 حلقة فقط
كما تطرق مدحت العدل، للحديث عن أعماله الدرامية، وكشف عن رغبة سابقة له بها، وقال: كنت أتمنى أقدم مسلسل لأعلى سعر في 15 حلقة بس، هو الموضوع ميزيدش عن 15 حلقة، بس بنكون مضطرين عشان الإعلانات مش هتيجي غير على الـ 30.
