إيناس الدغيدي تكشف سر غيابها الفني: نفسي أعمل سينما جريئة عن العلاقة بين الرجل والمرأة
كشفت المخرجة إيناس الدغيدي سبب غيابها الفني، والذي استمر أكثر من 14 عامًا منذ فيلمها الأخير مجنون أميرة، مشيرة إلى أنها تتمنى تقديم موضوعات جريئة هامة.
وقالت إيناس الدغيدي في تصريحات تلفزيونية: أنا بقالي فترة مبتعدة عن السينما؛ لأني كان ليا بصمة ونفسي أعمل السينما اللي بحبها مش اللي الجمهور عايزها، ونفسي أقدم موضوعات الجريئة عن العلاقة بين الرجل والمرأة والمشاكل الاجتماعية المهمة، ولكن أنا مبحبش الأكشن ولا الكوميديا اللي بدون هدف.
إيناس الدغيدي تعلق على أزمتها مع مصطفى هريدي
كما علقت إيناس الدغيدي على أزمتها مع الفنان مصطفى هريدي، قائلة: زمان كنت بشتغل مع نجوم كبار وكان بيحصل بيننا مشاكل وعمرنا ما طلعناها برا لأن الشغل بيكون كله مشاكل، ودلوقتي مش هبص للموضوعات الصغيرة دي.
كما تطرقت إيناس الدغيدي للحديث عن زيارتها الأخيرة إلى لبنان، قائلة: كنت بسمع حاجات مش حلوة عن لبنان ولكني لما جيت لاقيتها زي ما هي، وشعبها بيحب الحياة وعايزين يعيشوا وبيتحدوا جميع الظروف.
ومن ناحية أخرى، سبق وأثارت إيناس الدغيدي جدلًا واسعًا عن الفرق بين الوسط الفني حاليًا وفي الماضي، وقالت في لقاء تلفزيوني سابق: الوسط الفني اتغير دلوقتي كتير عن زمان؛ لأن زمان الأفلام كانت حميمية أكتر حتى التعامل ما بيننا كان فيه ود ومش مادي، لكن دلوقتي المادة بقت أساسية والناس بيتشغلوا عشان الفلوس فقط ومحدش بيعمل اسمه غير بـ فضيحة رغم أننا زمان كنا بنعمل أسمائنا عادي بشغلنا.
