القصة الكاملة لنجاة نجل منى عبد الغني من الغرق بعد وفاة ابن حسن يوسف
روت الفنانة والإعلامية منى عبد الغني تفاصيل نجاة نجلها من الغرق، إذ وجهت الفنانة تحذيرًا للشباب من البحر ونصحتهم بضرورة الالتزام بتعليمات شرطة الشاطئ، وذلك بعد غرق نجل الفنان الكبير حسن يوسف، والذي فُجِعَ الوسط الفني بوفاته في الأيام الماضية.
وتحدثت منى عبد الغني عن تفاصيل نجاة نجلها من الغرق إذ قالت عبر برنامجها الستات ما يعرفوش يكذبوا: من كام يوم خلصت البرنامج، لقيت ابني بيتصل عليا بيقولي أنا ربنا نجاني من الغرق، قالي هما حذروني من نزول المياه.. ومنزلتش المياه لحد راسي واتسحبت.
منى عبد الغني: ابني ربنا نجاه من الغرق
واستكملت منى عبد الغني حديثها بالدموع، لحظة تأثرها بالحديث عن نجاة فلذة كبدها، فقالت: رجعت الاستديو وسجدت لله شكرًا، لأنه بيكلمني بنفسه وهو بخير، من كتر شكري لربنا إن المصيبة محصلتش، بقيت مش عارفة أملك نفسي إزاي، عايز أقول لو حادثة وحد ربنا نجاه وادغدغ فالحمد لله.
وأضافت منى عبد الغني: كان نفسي أقول الموضوع على الهواء عشان أحذر الناس من الكلام ده.. لأنه حصل، وحصل قريب، الله يرحمه ابن الفنان حسن يوسف والفنانة شمس البارودي، ربنا يربط على قلوبهم، لكن إحنا لازم نقول زي عمر بن الخطاب ما علمنا.. الحمد لله أنها مش أكبر من ذلك، والحمد لله أنها لم تكن في ديني، الحمد لله إنه ألهمني الصبر عليها وإني شكرت ربنا.
