ابن خالتي عمل العيب مع بنتي.. تفاصيل اتهام شاب بالتعدي على صغيرة من أقاربه بأطفيح
واقعة مأساوية المتهم فيها تجرد من مشاعره الآدمية وتحول إلى شيطان، حيث تعرضت فتاة تبلغ من العمر 12 سنة، إلى الاعتداء الجنسي من قبل نجل خالة والدها يبلغ من العمر 26 سنة حيث اعتدى عليها وعاشرها معاشرة الأزواج مما أدى إلى هتك عرضها وتسبب في نزيف مهبلي حسب التقرير الطبي المبدئي الصادر من مستشفى أطفيح المركزي.
اتهام شاب بالتعدي على صغيرة من أقاربه بأطفيح
وتواصل القاهرة 24 مع والد الفتاة لكشف ملابسات الحادث حيث قال: أنا بنتي خرجت للدرس حوالي الساعه 8 الصبح كالعادة وفي اليوم ده بنتي رجعت البيت متأخرة، ولما سألتها اتأخرتي ليه ردت وقالت كنت عند عمو إسلام يابابا.
وتابع والد الفتاة: بقول لبنتي تعالي اقعدي جنبي ردت وقالت أنا تعبانه مش قادرة أقعد قلتلها مالك قالت بطني بتوجعني فبصيت عليها وبرفع ملابسها لقيت في دم في جسمها، اتصدمت وسألتها مين عمل فيكي كده ياشهد، ردت عليا إسلام اللي عمل كده يابابا، مشيرا إلى أنه دخل في نوبة غضب.
وأكمل والد الفتاة: خدت بنتي وجريت على دكتور في البلد وقالي حالة بنتك خطيرة ولازم تروح المستشفى، جريت بيها على المستشفى وهناك إدارة المستشفى لما شافوا بنتي حالتها خطيرة اتصلوا بالشرطة وتم القبض على المتهم.
وأردف والد الفتاة: أنا عايز حق بنتي ومش هسيبه وأهل المتهم دلوقتي بيعرضوا عليا مبالغ كبيرة مقابل إني أتنازل، وكمان في ناس عرضت عليا إن المتهم يتجوز بنتي عرفي لحد ما تبلغ السن القانوني للزواج، وأنا رفضت لأنهم ناس مفيش في قلوبهم رحمة، وبحذر كل الناس الغدر جالي من القريب ابن خالتي، خالوا بالكم من أولادكم وحسبي الله ونعم الوكيل.
وحرر والد الفتاة محضرا بقسم شرطة أطفيح يحمل رقم 6678 يتهم فيه ابن خالته ويدعى إسلام.ش، 26 سنة بهتك عرض ابنته التي تبلغ من العمر 12 سنة أثناء عودتها من الدرس، وتسبب في هتك كامل في غشاء البكارة، ونزيف مهبلي.
وألقت الأجهزة الأمنية بمديرية أمن الجيزة القبض على المتهم، وتم إتخاذ الإجراءات القانونية وتولت جهات التحقيق التحقيقات.
