أحمد فهمي: مسلسل السفاح نقطة تحول في مسيرتي الفنية واشتغلنا على السيناريو سنتين
أعرب الفنان أحمد فهمي عن سعادته ببطولة مسلسل السفاح المقرر عرضه بعد غد، على منصة شاهد الإلكترونية، مأخوذًا عن قصة حقيقية.
وقال أحمد فهمي خلال لقائه مع القاهرة 24: إطار مسلسل السفاح مختلف خالص وهو مسلسل صعب جدًا ومأخوذ عن أحداث حقيقية وبلعب شخصية صعبة جدًا واخد وقت كبير أوي في التحضير.
وأضاف فهمي: مش بشوف إن فيه حاجة كان فيها مخاطرة؛ لإننا في شغلانة لازم نتجهتد فيها أكتر ونطلع بره الصندوق، والمسلسل مكنش فكرتي، ولكن احنا اشتغلنا سنتين على السيناريو المكون من 8 حلقات بس وعصرنا الدنيا بحث وقابلنا الناس وكان الموضوع مُجهد ومُرهق وكنا حابين نطلعه مختلف عن أي حاجة طلعت قبل كده.
وأردف أحمد فهمي: ومشاركتش في السيناريو هي كانت بتبقى نقاشات ممكن على مستوى كممثل أو كسيناريست بقترح حاجة بيقبلوها او بيبرروا سبب رفضها.
أما عن إمكانية تقديم جزء ثان من مسلسل السفاح، أردف أحمد فهمي: لو نجح هيبقى فيه جزء تاني وحسب ظروف الإنتاج ورغبة الجمهور ومتفائل جدًا بالخطوة دي وحاسس إنها نقطة تحول في مسيرتي.
أبطال مسلسل السفاح
ويشارك في مسلسل السفاح العديد من الفنانين مع أحمد فهمي، منهم: حنان يوسف، باسم سمرة، ركين سعد، جيهان الشماشرجي، أحمد فهيم، داليا شوقي، صلاح عبد الله، هايدي خالد، إنجي أبو السعود، ريم حجاب، ميمي جمال، نسمة بهي، والمسلسل من تأليف محمد صلاح العزب، عماد مطر، إنجي أبو السعود، وإخراج هادي الباجوري.
