مراتي مامتتش زعلانة.. أول تعليق من زوج كارولين منتصر المتوفاة بعد ولادتها الطفل الثاني
توفيت سيدة عشرينية بشكل مفاجئ تدعى كارولين منتصر، عن عمر ناهز 28 عامًا، وذلك بعد ولادتها للطفل الثاني، وسرعان ما تصدر اسمها ترند فيس بوك، حيث تعاطف رواد مواقع التواصل الاجتماعي مع وفاتها في عمر الزهور.
أسباب وفاة كارولين
تواصل القاهرة 24، مع رامز مراد زوج كارولين، ليكشف أسباب الوفاة الفجائية لها، بعد أيام قليلة من ولادتها الطفل الثاني.
أكد رامز أن نحو 3 من الأطباء لم يتواصلوا لسبب الوفاة، لم تكن تعاني من أي أمراض، منوهًا: كانت بتتصل بالناس تعزمهم على سبوع ابنها.
كانت بتعزم الناس على السبوع
وقال رامز: أنا مراتي مامتش زعلانة، كانت جايبة لبس لسبوع ابننا، وبتعزم الناس عليه، واللي حصل فجأة من غير أي سبب.
وأضاف: مراتي كانت حلوة ومبسوطة جدًا، كل اللي قالوا إنها ماتت زعلانة مش حقيقي، 3 دكاترة وإسعاف مش عارفين سبب في جسمها يخليها تموت..هي كانت قاعدة عادي، ومرة واحدة أغمى عليها.. وراحت كده في لحظة.
ونعى رامز زوجته، عبر صفحته على فيس بوك قائلًا: كسرتيني وسيبتيني يا كركر.. سيبتيني لمين يا كركر.. وحشتيني يا كركر ..ارجعيلي يا كركر.. سمعاني يا كركر ..مش بتنزلي بوستات وصور ليا ليه رامز.. عشان مش بحب السوشيال ميديا يا كركر.. بس بحبك انت يا كركر.. محتاجك يا كركر.
وأضاف: ليه ليه تعملي فيا كده ليه، عشان إيه مين هيصبرني ويطبطب عليا قبل ما أنام يا كركر مين، مين هيقولي اتصرف انت انا واثقه فيك يا كركر.. يا كااااروليين صعب يا كارولين صعب يا أمي صعب يا نور عيني من جوه صعب، وتقيل الحمل يا كركر، صعب يا حياتي أعمل إيه طيب أنا لوحدي، بيقولولي ربنا يصبرك يصبرني ازاي يا كركر يصبرني عن إيه يا كارولين وعن مين عنك انت انت يا كارولين تعملي فيا أنا كده ده أصدقها من أي حد إلا انت يا كارولين أنا عايزك يا كارولين ارجعي ارجعي يا كارولين.
وفاة بعد الميلاد
وفي يوم 12 أغسطس الماضي، أعلن زوج الراحلة كارولين منتصر، ولادتها لطفلهما الثاني.
وقال عبر صفحته الشخصية على فيس بوك: رسميًا بقينا 4، الحمد لله قام بالسلامة بعد تعب شديد ادعوا له..ربنا يخليكم ليا وميحرمنيش منكم أبدًا..حمد الله على سلامتك يا عمري.
