منى زكي: روحت لمدرب تمثيل علشان تحت الوصاية.. ومفيش أحلى من الساحل الشمالي
كشفت الفنانة منى زكي كواليس تصوير مسلسلها تحت الوصاية، والذي عرض خلال الموسم الرمضاني 2023، وحقق نجاحا باهرا.
وقالت منى زكي، خلال حديثها في Dmc: طبعًا القضية اللي فكر فيها الكتاب شيرين وخالد دياب، وأنا كنت مترددة لأسباب شخصية، وأستاذ شاكر خضير عرض الموضوع عليا، وبيفكر يعمله إزاي، وتحمست بعدها، وكنت سعيدة علشان هشترك لأول مرة مع شاكر، وأساس العمل المخرج والكتاب ومهندس الديكور.
وعن تحضيراتها للعمل، أضافت منى زكي: الأستاذ شاكر حاطت خطة وعارف نفسه في إيه من الشخصية، وتوصل لـ إيه، وروحت لمدرب تمثيل علشان العمل.
وأعربت منى زكي عن سعادتها الشديدة لمشاركتها في مهرجان القاهرة للدراما، المقام في مدينة العلمين، قائلة: أول مرة أحضر مهرجان القاهرة للدراما، ومحضرتش السنة اللي فاتت.. حاجة مشرفة ومنظمة، ومفيش أحلى من الساحل ومدن الساحل زي العلمين الجديدة.
مسلسل تحت الوصاية لمنى زكي
وعرض مسلسل تحت الوصاية في الموسم الرمضاني 2023، وحقق العمل نجاحا كبيرا، وضم مجموعة كبيرة من أبرز الفنانين ومنهم منى زكي، دياب، مها نصار، رشدي الشامي، خالد كمال، محمد عبد العظيم، ثراء جبيل، أحمد عبد الحميد، علي الطيب، أحمد خالد صالح، جميل برسوم، علي صبحي، نهى عابدين، والمسلسل من تأليف شيرين وخالد دياب، وتحت قيادة المخرج محمد شاكر خضير.
