نجلاء بدر عن مهرجان القاهرة للدراما: حبينا الجمهور يختار نجمه المفضل
أعربت الفنانة نجلاء بدر عن سعادتها بنجاح الدورة الثانية من مهرجان القاهرة الدولي للدراما، الذي أُقيم أمس في مدينة العلمين الجديدة، تحت عنوان 60 سنة دراما.
وقالت نجلاء بدر خلال لقائها مع القاهرة 24، على هامش حضورها فعاليات مهرجان القاهرة للدراما بدورته الثانية: كل سنة هيكون في أحسن من مهرجان القاهرة للدراما، وملاحظة أن الدورة التانية السنة دي فيها تطور كبير عن السنة اللي فاتت، خصوصًا أن السنة دي في حفلة استثنائية بـ استضافة مهرجان العلمين، وده صورة مشرفة لسياحة مصر.
وتابعت: كنت بتمنى يبقى في حاجة مرتبطة بالأماكن السياحة في مصر، لأننا أكتر ناس نقدر نسوق للأماكن دي ونكون صورة مشرفة ووجهتها، لأن الفن رسالة لكل الناس.
كما أعربت نجلاء بدر عن أمنيتها بإقامة جميع دورات مهرجان القاهرة للدراما في مدينة العلمين، قائلة: عايزة مهرجان القاهرة للدراما يفضل في العلمين، ويبقى ده مقره، ونسميه مهرجان العلمين للدراما، القاهرة أو العلمين أو أسوان كلها مصر.
أما عن تكريم عدد كبير من النجوم واختيار لجنة التحكيم، فعلقت نجلاء بدر قائلة: أنا في اللجنة التأسيسية في المهرجان، وقولنا لو سبنا التقييم بس لـ اللجنة هيبقى تقيمها أكاديمي أوي، فممكن يبقى في تقيم للجمهور، لأن الجمهور مش هيبقى عنده الحتة الأكاديمية، والجمهور بينجح العمل بقلبه فقولنا لازم الجمهور هو يختار نجمه المفضل من خلال الاستفتاء ده.
