مي كُريم زوجة خالد الصاوي: هو اللي عملني ومفرضنيش على حد.. وراجل ما يختلفش عليه اتنين | فيديو
تحدثت المنتجة ومديرة العلاقات العامة مي كُريم عن زوجها الفنان خالد الصاوي، وذلك خلال حضورها مهرجان القاهرة للدراما في دورته الثانية والذي أقيم أول أمس في مدينة العلمين، مؤكدة أنه كان سببا في أي نجاح وصلت إليه، كما كشفت بعض صفاته.
وقالت مي كُريم في لقاء مع القاهرة 24: خالد أعطاني الدعم قبل أي حد ولو بقيت المنتجة ومديرة العلاقات العامة فهو اللي عملني، وخاصة لأنه سابني أطلع سلمة سلمة ومفرضنيش على حد، ويستاهل كل الدعم وبشكره قبل أي شيء لأنه واثق فيا كمديرة أعماله وهندلة شغله وده شيء كبير جدا واتعلمت منه كتير جدا وهو راجل ما يختلفش عليه اتنين.
وأضافت مي كُريم: كنت بوجه ليه نصيحة في مرحلة من المراحل، لكن خالد عنده نضج مش بس فني ومهما اتقال له برافو مش بيفرح أوي لأنه بيخاف يوقف حافز أنه يخرج أحسن ما عنده، وهو ينصح بلد مش أنا اللي أنصحه.
مي كُريم تكشف مواصفات زوجها خالد الصاوي
وكشفت مي كُريم مواصفات زوجها خالد الصاوي: خالد في البيت ألذ من ظهوره الفني، وخالد إنسان لطيف ولذيذ ودمه خفيف وعلى قد ما عنده حسم لكنه بيشارك رأي غيره في اتخاذ القرارات، ودمه خفيف وبيهون الحياة وإنسان جميل.
وواصلت مي كُريم: خالد بني آدم له طاقة إيجابية على كل اللي حواليه وقلبه أبيض جدًا، وبيعتذر لأي شخص أمام الناس ولو زعلان بينك وبينه هيصالحك قدام الناس، ولكن من عيوبه أنه عصبي.
وعن الفنان الذي تعطي له لقب جوكر الدراما قالت: خالد هو جوكر الدراما ونص لكن كل اللي بتكلم عليهم أصدقائي وموهبين وكلهم مواهب عظيمة وكبيرة.
