جمال العدل يعلن عدم تعاونه مع نيللي كريم في رمضان: وصلتها لحتة في منتهى الجمال
كشف المنتج جمال العدل، أنه اتفق مع نيللي كريم بأنهما لن يتعاونا مجددًا في المواسم الرمضانية بعد مسلسل عملة نادرة الذي عرض في الموسم الرمضاني الماضي.
وقال جمال العدل في لقاء مع إي تي بالعربي: اتفقت مع نيللي من قبل رمضان إننا مش هنشتغل رمضان تاني مع بعض بعد مسلسل عملة نادرة، ومفيش مفاجأة لا ليها ولا ليا، وأنا وصلتها لحتة في منتهى الجمال.
وأوضح جمال العدل: بالنسبة لي حلو يبقى معاك نجم سنين طويلة وتفكر له وتعمل له، ولكن حلو أكتر أنه يكون معاك نجوم كتير تختار لها وتشوف الموضوهات اللي تعجبها وهي كمان يبقى معاها شركات تاني كتير.
حقيقة وجود خلاف بين نيللي كريم والعدل جروب
كما كشف جمال العدل، حقيقة وجود خلافات بين نيللي كريم وشركة العدل الجروب، بعد تعاونها معهم مؤخرًا في فيلم ع الزيرو بطولة الفنان محمد رمضان، وذلك بسبب عدم حضور نيللي العرض الخاص للفيلم، وكذلك عدم ترويجها للعمل.
وقال جمال العدل: هي لم تصرح بشيء عن وجود خلاف، وبحسب معلوماتي أنها لم تحضر العرض الخاص لأنها كانت مسافرة، وبخصوص عدم ترويجها للفيلم فعرفت من شباب في الشركة ولكني ما ركزتش لأن علاقتي بيها كويسة جدا وتصورت أنها ما خدتش بالها، ومفيش بيني وبينها حاجة ومفيش تواصل، وكنت أحب أنها تروج للفيلم ولكن لو روجت هيجيب إيرادات أعلى؟ كان فيلمها مع فراج حقق إيرادات.
كما كشف جمال العدل حقيقة انزعاج نيللي كريم من ظهورها خلف محمد رمضان في أفيش ع الزيرو قائلًا: نيللي كريم متصورة ورا محمد فراج على أفيش مسلسل ضد الكسر، وفراج لما طلب يطلع معاها على الأفيش وقتها أنا ما رضتش وقلت له هي أهم بكتير ولكن هي رضيت.. وأنا بتكلم بالمنطق لما تتصور زي شوية شباب صغيرين وفراج قدامها، هتزعل أنها اتصورت ورا محمد رمضان هل راسه أعلى من راسها؟.
