صولا عمر: وجودي بمهرجان القاهرة للدراما أضاف ليّا ولسه مجاتش الفرصة اللي تظهرني
أعربت الفنانة صولا عمر عن سعادتها بحضورها افتتاح مهرجان القاهرة للدراما، الذي أقيم منذ بضعة أيام، في مدينة العلمين، مشيرةً إلى أن المهرجان أضاف لها.
وقالت صولا عمر خلال لقائها مع القاهرة 24: وجودي جميل وحلو وضايفلي وأنا سعيدة بحضور مهرجان القاهرة للدراما، وأنا مبجيش الساحل ومش من محبيه.
أما عن مشاركتها في مسلسل حضرة العمدة، قالت صولا: عملت حضرة العمدة مؤخرًا، كان مسلسل شائك، وأول مرة أعمله وكنت بتعلم، مضيفة مازحة: ولسه مجاتش فرصتي عشان أشعشع وألعلع ولسه عندي كتير.
وأردفت صولا عمر مازحة: أنا بحاول أنتقل من مرحلة الغنا، أصلي غنيت كل حاجة فحاسة خلاص بقى، غنيت أبو أحمد هزار، وغنيت سيبتني طب أهو كان إعلان، وأغنية وراجع ليه وأغاني كفرز هادية، هعتزل آه كفاية كده.
وأضافت صولا عمر مازحة: عايزة أبتدي أركز أنا مشوشة، محتاجة أبتدي أعالج الوش الأول، وشاطرة في الغنا والتمثيل في الاتنين أروح فين من شطارتي وكاريزمتي.
أما عن إمكانية تقديمها دور راقصة، أجابت صولا عمر مازحة: لا مقدمش دور راقصة، اللي هي بتقدمه رقص واللي هقدمه عجن، والرقص بيطلع كمية طاقة سلبية ورياضة من غير منحس.
