إحنا في ضهرك.. كهربا وقفشة وعاشور يدعمون المدرس المصاب بضمور العضلات بشبرا | فيديو وصور
في لفتة إنسانية، دعم كل من محمود كهربا ومجدي قفشة وإمام عاشور لاعبو النادي الأهلي، محمود عبد الكريم مدرس الفلسفة المصاب بمرض ضمور العضلات بشبرا الخيمة.
وتحدث اللاعبون معه من خلال مقاطع فيديو قصيرة عبر خاصية الفيديو كول، لدعمه في أزمته الصحية والوقوف بجانبه.
لاعبو الأهلي يدعمون المدرس المصاب بضمور العضلات بشبرا
وظهر اللاعب إمام عاشور خلال الفيديو، وهو يقول للمعلم محمود عبد الكريم: حبيبي عامل إيه، شد حيلك وإن شاء الله ترجع أحسن من الأول، ولو احتجت حاجة أنا سداد، وبإذن الله هتبقى زي الفل، ليرد عليه: كتر خيرك يا كابتن ربنا يخليك يارب.
كما ظهر محمود كهربا في مقطع فيديو آخر يقول: خلي بالك من نفسك وبعد 10 أيام هرجع وأزورك وربنا يشفيك ويهون عليك، ده اختبار من ربنا وأنت قدها، كفاية حب الناس ليك، أنا مكنتش أعرفك لكن دعوات الناس ليك كتير، ربنا يتم شفاك على خير، ليرد عليه: أنا هستناك تجيلي تنور الدنيا، شكرا ليك.
ودعم أيضا مجدي قفشة نجم النادي الأهلي المعلم محمود عبدالكريم قائلًا: أنا هروح المعسكر وأجيلك ولو احتاجت حاجة أنا أخوك، ويبعد عنك كل حاجة وحشة، أنت أخونا وإحنا كلنا معاك واللي هيقدر على حاجة هيعملهالك.
وكان القاهرة 24 أجرى لقاء مع محمود عبدالكريم مدرس الفلسفة، وتحدث خلاله عن أزمتة الصحية حيث قال: إنه أصيب منذ عام واحد بمرض ضمور العضلات، وتسبب في تدهور حالته الصحية بشكل كبير، وتسبب كذلك في عدم قدرته على الحركة أو العمل، موضحا أنه أصيب به وظهرت عليه أعراض المرض بعد مرور 6 أشهر فقط من زواجه.
وناشد محمود عبد الكريم بسرعة علاجه على نفقة الدولة خاصة أنه لا يقدر على تكاليف العلاج والتي تتخطى الـ 30 ألف جنيه شهريا، مؤكدا أنه ينتظر خلال أشهر وصول مولوده الأول ويتمنى أن يستقبله وأن يعود للعمل من أجل الإنفاق عليه.
وتابع قائلا: بقالي سنة بصرف على نفسي والفلوس اللي معايا خلصت.. ونفسي صوتي يوصل وأتعالج.. ونفسي أخف وأقدر أقف على رجلي وأقدر أرجع أشتغل تاني.. وأنا كنت بشتغل مدرس فلسفة وعلم نفس.. وتعبت بعد الجواز بـ 6 شهور.
من جانبها، قالت زوجته، إنهما خلال عام كامل وهما يتكفلان بمصاريف العلاج وهو باهظ الثمن وهو ما أدى لاستنزاف جميع الأموال التي كانا يدخراها خلال الفترة الماضية.
وأضافت قائلة: بدأ بوجع برجله الشمال.. وروحنا لدكتور مخ وأعصاب تم تشخيصه إنه عرق نسا.. وقعد ياخد العلاج فترة طويلة من غير تحسن.. ولما روحنا كشفنا تاني اتشخص غلط وعنده مشاكل في العمود الفقري.. وفي الآخر دكتور مخ وأعصاب طلب مننا رسم عصب.. وأثبت إن عنده نسبة من الضمور.. والعلاج بتاعه مكلف جدا ويصل لحوالي 38 ألف جنيه في الشهر الواحد.
