ميريت عمر الحريري: أحداث حياة والدي متستحقش تبقى عمل فني لأنها مفيهاش دراما
كشفت الفنانة ميريت ابنة الفنان الراحل عمر الحريري، وجهة نظرها في صنع عمل درامي يسرد حياة والدها الفنية والشخصية، مشيرةً إلى أنها لا تحبذ ذلك الأمر.
وقالت ميريت عمر الحريري خلال لقائها مع القاهرة 24: والدي معندوش أحداث درامية في حياته، والدراما بتحتاج أحداث، فهتبقى سيرة ذاتية ماشية سلسة والناس مش بتحب السلاسة.
أما عن حضورها الدورة الثانية من مهرجان القاهرة للدراما، فأضافت ميريت عمر الحريري: لحد دلوقتي الدنيا كلها جميلة من أول مدخل وادي النطرون والعلمين تجنن ومنظم من أول الدخول، وده شيء مشرف وده عهدنا دايمًا والدورة الأولى كانت منظمة قوي، والدورة التانية متميزة إنها معمولة في العلمين.
وتابعت: رأيي دايمًا الجمهور صاحب النقد الأول والأخير، وهو اللي بيعمل الفنان؛ لأنه ناقد دقيق جدًا بالذات في الدراما لأنها بتدخل في كل البيوت فلو الجمهور مش قابل الممثل لا يمكن هيديله صوته، كان والدي زمان بيقولي الأول والتاني ولحد رقم 10 هو الجمهور.
وعن رأيها في مواقع التواصل الاجتماعي، أردفت ميريت عمر الحريري: قد ما السوشيال ميديا مهمة، المشكلة الناس اللي بتجري ورا الإشاعة وبتعمل بوست ومشاركة هو ده المؤلم ومفيش حد بيصحح، واللي بيصحح المعلومة بيلاقي نفسه بيتشتم.
أعمال ميريت عمر الحريري
تنتظر ميريت عمر الحريري طرح مسلسل بنون، مع الفنان هاني عادل وبسنت شوقي ومحمود حجازي ورشا بن معاوي ومريم سعيد صالح وهيا فياض وأمير العشري.
