شريفة ماهر عن وعكتها الصحية: وقعت من طولي.. وجمهوري كانوا عايزين يزوروني في المستشفى
كشفت الفنانة شريفة ماهر تفاصيل تعرضها لمشكلة صحية مؤخرا، نقلت إثرها إلى أحد المستشفيات.
وأكدت في تصريحاتها لـ القاهرة 24، أنها فقدت توازنها وسقطت في منزلها وعلى الفور نقلتها أسرتها لأحد المستشفيات الكبرى، وخضعت بعدها لعدة فحوصات وتحاليل، حتى يطمئن الأطباء على حالتها.
وقالت شريفة ماهر: وقعت من طولي، وبقيت أقولهم في البيت الحقوني، كنت بدوخ دايمًا ومعرفش سبب الدوران اللي بحس بيه، وعملت تحاليل وفحوصات لكن معرفتش إيه سبب مرضي.. ادعو لي ربنا يتمم شفائي على خير، وأنا في المستشفى ناس من جمهوري كانوا بيكلموني وعايزين يزوروني في المسشتفى، الحمد لله على نعمة حب الجمهور.
شريفة ماهر تتعرض لأزمة صحية
وشريفة ماهر أثارت حالة كبيرة من الجدل، وقت أزمتها مع ابنها، بسبب خلاف نشب بينهما على الميراث، وبعدها أصبحت حديث رواد مواقع التواصل الاجتماعي، بعد حديثها عن جحود أبنائها، إذ وجهت الفنانة رسالة خاصة للأبناء بعدم قسوتهم على آبائهم.
وقالت في تصريحات سابقة لها، مع القاهرة 24: حط أمك في عينك، كام سنة وتسيبك وتمشي، خليها تموت وهي بتدعي لك، مش وهي غضبانة عليك.
وأضافت شريفة ماهر: بلاش لما الأم تموت نرجع نقول ياريتنا، خلي بالك من أمك، واحذر من مراتك لأن في ستات شياطين، وأنت لازم تحسبها، وتكون عاقل، أنا بناشد الشباب، محدش دايم ده دور، كل واحد له عمره ووقته وفي النهاية بنروح، أنا كنت بحب أمي جدًا، وربنا عوضني ببنتي الصغيرة.
