تامر نادي: مسلسل مذكرات زوج مش مطلّع الراجل مظلوم.. والناس شايفة إنه بينصف الرجالة
تحدث المخرج تامر نادي، عن مسلسله الأخير مذكرات زوج، بطولة الفنان طارق لطفي، وأشار إلى أن العمل لا ينصف الرجال بشكل خاص.
وقال تامر نادي، في تصريحات خاصة لـ القاهرة 24: المسلسل مش مطلع الراجل مظلوم، هو مطلع الست ليها جوانب كويسة وجوانب مش كويسة، والراجل نفس الكلام، وفي الآخر هو بيحس بغلطه وهي بتحس بغلطها.
وأضاف: لكن مش مطلعين الراجل مظلوم ولا بننصفه، يمكن عشان المسلسل مختلف شوية فالناس شايفة إنه تبع الرجالة، مع إن برضه ساعات الناس بتنصف الست وشايفين إنها غلبانة.
كما كان كشف تامر نادي، ردود فعل الجمهور على مسلسل مذكرات زوج، وأكد على أنهم يرون العمل قريب من قصة حياتهم، وقال: مشوفتش حد إلا لما قالي دي قصة حياتي، وكل الستات والرجالة بيقولولي حصلنا نفس المواضيع، وإن الراجل ساب بيته وراح عند أهله، زي بطل العمل.
وأكمل تامر نادي: فالعمل بيناقش قصة واقعية جدا، وكنت لسة مع ناس وقالولي نفس الكلمة إن المسلسل قصة حياتي.
مسلسل مذكرات زوج
وعرض مسلسل مذكرات زوج، في موسم رمضان الماضي 2023، وقام ببطولته الفنان طارق لطفي، وكل من: الفنانة عائشة بن أحمد، حازم إيهاب، فرح يوسف، جلا هشام، عمر الشناوي، هناء الشورجي، سارة الشامي، خالد الصاوي، سماء إبراهيم، وغيرهم، والعمل من إخراج تامر نادي، وعن سيناريو وحوار محمد سليمان عبد المالك.
