المتهم بإنهاء حياة شاب بسبب فتاة: تعرفت عليها من إنستجرام وكانت على علاقة بالمجني عليه قبلي| خاص
حصل القاهرة 24 على أقوال المتهم بقتل أحد المواطنين، نتيجة خلاف بينهما على إحدى الفتيات وادعاء كلا منهما ارتباطه بها، بعد إحالة المتهم إلى المحاكمة الجنائية.
المتهم بإنهاء حياة شاب بسبب فتاة: تعرفت عليها من إنستجرام وكانت على علاقة بالمجني عليه قبلي
حملت القضية رقم 7785 لسنة 2023 جنايات أول السلام وقيدت برقم 847 لسنة 2023 كلي شرق القاهرة، وتم التحقيق فيها من قبل المستشار أحمد غزال وكيل نيابة شرق القاهرة الكلية، تحت إشراف المستشار أحمد شورب المحامي العام الأول لنيابة القاهرة الكلية.
المتهم في القضية هو "الورداني م. أ.، 18 سنة، طالب"، وجاءت أقوال المتهم في التحقيقات كالتالي.
س: ما اسمك وسنك وعملك؟
ج: الورداني م. أ.، 18 سنة، طالب.
س: ما تفصيلات إقرارك عن الواقعة؟
ج: اللي حصل إن أنا عرفت واحدة اسمها "ريهام ك." من على موقع إنستجرام في شهر سبتمبر 2022، وبعد كدة فضلنا نتكلم شهر وارتبطنا في شهر أكتوبر من ذات العام، وبعد كدة لقيت المجني عليه بيكلمني على الإنستجرام وبيقولي عايز يقابلني وأنه مرتبط بالبنت اللي ارتبط بيها، وأنا روحت له مساكن إسكندرية ومعايا اثنين أصحابي واتخانقت معاه، وناس كثيرة اتلمت وفضلوا يهدوا الموضوع واتحل وقتها قبل تجدد الخلافات.
س: هل يوجد ثمة علاقة أو خلافات بينك وبين المجني عليه؟
ج: أيوة.
س: وما هي طبيعة تلك الخلافات؟
ج: هو كان بيكلم البنت اللي أنا بحبها قبلي، وبعدين هي سابته وكلمتني وارتبطت بيا، وبعد كدة لقيت المجني عليه بيكلمني وحصلت بينا الخناقة الأولى اللي حكيتها قبل كدة.
س: وهل حرر عن تلك الخلافات ثمة محاضر؟
ج: لا.
س: هل سبق ضبك في قضايا مماثلة من قبل؟
ج: لا.
