معدنه سيئ وكان بيخرج عن وعيه.. نهايات مؤسفة لزيجات أحمد سعد
انفصل الفنان أحمد سعد عن زوجته علياء بسيوني قبل قليل، ونشرت علياء أسباب الطلاق، مشيرة إلى أن معدنه سيئ، ولم تكن تريد الطلاق منه.
انتهى طلاق علياء بسيوني من أحمد سعد نهاية سيئة، وهو ليس أول مرة بل زواجه من سمية الخشاب وريم البارودي انتهى نهايات مؤسفة.
النهايات السيئة لعلاقات أحمد سعد العاطفية
انتهت علاقة الفنانة ريم البارودي من أحمد سعد عام 2011، وكشفت ريم البارودي أسباب الانفصال بعدها في تصريحات تليفزيونية: قسم وسطي وكانت صدمة، وهو اللي خان العيش والملح.. بس أنا كبرت وخلاص النفوس صافية.
وعن خطبته من سمية الخشاب بعدها، علقت ريم البارودي: مش موضوعي أنا مالي.. ولما شوفت الخبر قولت ربنا يتمم بخير.
سبب طلاق سمية الخشاب من أحمد سعد
وتزوج الفنان أحمد سعد الفنانة سمية الخشاب عام 2017، واستمر الزواج لمدة عامين، وبعدها تم الانفصال، وتحدثت سمية الخشاب عن أسباب الانفصال في تصريحات تليفزيونية: الراجل الخاين هيفضل خاين طول عمره، لأنه طبع عند بعض الرجال، وصعب الست تعيش مع راجل مش شايفها.
واستكملت سمية حديثها عن أسباب الطلاق، قائلة: فيه أنواع من الرجالة مقبلش على نفسي أكمل حياتي معاهم، منهم الراجل المدمن.. وبنصح كل ست جوزها بيتعاطى مخدرات، إنها تبعد عنه ومتضعيش وقتها معاه، لأن النهاية هتكون صعبة.
سمية الخشاب بعد طلاقها من أحمد سعد: كان بيخرج عن وعيه.. وحاول يقتلني ويضربني
وقالت سمية الخشاب في عام 2021 ببرنامج شيخ الحارة، الذي تقدمه الإعلامية بسمة وهبة: أحمد سعد كان عنده ظروف مينفعش أقولها وكان بيخرج عن وعيه وحاول يقتلني ويضربني وخلاني أفقد الطحال من الضرب ومرفعتش عليه قضية وسجنته سبع سنين، وكان هدفه يخسرني جمهوري ويبوظ شكلي قدام الناس.
زواج أحمد سعد من علياء بسيوني
تزوج أحمد سعد من علياء بسيوني في أغسطس عام 2021، وأنجب منها علياء ابنته الكبرى، وأنجبت بعدها مريم في شهر يوليو الماضي، واستمر الزواج عامين، ونشرت علياء بسيوني طليقته الرابعة منشورًا على حسابها الرسمي بـ إنستجرام، قائلة: الحمد لله على كل شيء، تم الطلاق بيني وبين أحمد من شوية بناءً على رغبته.. حابة أشكر أحمد جدًا على أصله الغير طيب ومعدنه السيئ وحابه اقوله شكرًا على قرارك اللحظي الغير موفق في خراب بيتنا وتدمير أسرتنا الجميلة، اللي أنا حقيقي تعبت فيها لوحدي تمامًا وحاولت وعديت بمواقف مفيش حد في مكاني يقبلها عشان الأسرة دي.
وأضافت علياء: وعشان المشوار اللي أنا ابتديته ومكنتش حابه إنه ينتهي.. شكرًا على توقيتك الجميل وأنا قاعدة ببنتي 3 أيام، وأنت مش عارف حاجة عشان مشغول في الساحل وخروجات وبعدها شغلك.
وأردفت علياء بسيوني: أكبر شكر على المقلب اللي أنا أخدته في العلاقة دي واللي كنت فاهمة إن ليها قيمة ببني وبضحي وبتنازل عشانها وانت طلعتها ولا تسوى وربنا معايا أنا وبناتي في اللي جاي وينتقم منك ويديلك على قد كل حاجة حصلت.
