بشرى عن انفصالها الثاني: معندناش التراشق بالألفاظ وفرش الملايات ومازلنا أصدقاء
تحدثت الفنانة بشرى عن طليقها الثاني سالم هيكل وعن تفاصيل علاقتهما، قائلةً: الوقت عندي بقى أكتر ومتقسم بين الشغل والأولاد.
وقالت بشرى خلال لقائها مع القاهرة 24: مش عارفة ليه رابطين حوار الانفصال بالشغل والنجاح والانطلاقة الفنية، زوجي السابق كان واقف معايا وموجود في كل حتة وداعمني في حياتي العملية، بالعكس كان أكبر داعم ليا وده ملوش علاقة خالص بأي حاجة ممكن تتقال.
وأضافت بشرى: الوقت بقى عندي أكتر، الوقت متقسم بين الشغل والأولاد، الزوج كان له أولوية ونراعيه.
وردت بشرى على عدم نشرها تفاصيل علاقتها مع زوجها السابق سالم هيكل، قائلة: مش شخصيتي ولا أخلاقي تسمح بكدة، لا الأصول بتقول كده ولا تربيتنا، وإحنا أصدقاء عمر بغض النظر عن الزواج دي مش أخلاقنا ولا تربيتنا ولا يطلع مننا الكلام ده.
وأكملت بشرى: التراشق وفرش الملايات للأسف الناس نفوسها ضعيفة وإيمانها ضعيف ولا أعتقد إني أنتمي لهذه المجموعة والصداقة مستمرة وعيد ميلاده كان إمبارح وكل سنة وهو طيب.
آخر أعمال بشرى
وتنتظر بشرى طرح فيلم أولاد حريم كريم غدًا في دور العرض المصرية، وضم العمل عدد من النجوم أبرزهم: مصطفى قمر، عمرو عبد الجليل، بسمة، داليا البحيري، خالد سرحان، والعمل من إخراج علي إدريس وتأليف زينب عزيز.
