محمد رمضان في ابتلاء وهو ظاهرة قدرية.. أبرز تصريحات عثمان محمد علي التلفزيونية
حل الفنان عثمان محمد علي ضيفًا على برنامج من مصر، تقديم الإعلامي عمرو خليل، حيث تحدث خلال الحلقة عن ذكرياته في مجال الفن، وتحديدًا مع الفنان الراحل نور الشريف، بجانب كشف رأيه في الفنان محمد رمضان، والذي وصف حالته بالظاهرة القدرية.
أبرز تصريحات عثمان محمد علي
ونستعرض في السطور التالية أبرز تصريحات عثمان محمد علي:
-الشغل مع الراحل نور الشريف كان حلو أوي، وكان بيريح الممثل اللي قدامه وبيديله فرصته.
-ممثلين الزمن الجميل كانوا قدوة في كلامهم ولبسهم وأدوارهم، والمنتجين شافوا إن ده اتغير دلوقتي فمشيوا مع الموجة.
-محمد رمضان ظاهرة قدرية.. الراجل ده لا جري ورا حد ولا خد فلوس حد، ولا قلهم شغلوني.
-الدنيا جت عند محمد رمضان وقالت له شبيك لبيك، والناس كلها بتجري والمنتجين والممثلين.
عثمان محمد علي: محمد رمضان في ابتلاء
-اللي محمد رمضان فيه ده ابتلاء من الله، يشوفه هيشكره ولا هيكفر، والشكر إنه يتراجع عن الأدوار الخاطئة.
-الراحل نور الشريف كان من أقرب الناس لقلبي وكان أستاذ وأخ وبيحترم أصدقائه.
-محمد رمضان لازم يبدأ يعمل أدوار تانية تحسن صورته، ويكون قدوة حسنة للناس.
-أشكر نقابة المهن التمثيلية لأنهم افتكروا قامات الفن الكبيرة والفنانين دول كان لازم يتكرموا من زمان.
-حضرت الفنان محمود عبد العزيز لما كان طالب في مدرسة الورديان الثانوية وكان بيمثل وموهوب.
- بعتبر تكريمي خلال مهرجان القاهرة للدراما تكريم على مشواري الفني كله وأنا دخلت المجال ده من 70 سنة.
-كتير من الفنانين كانوا تلاميذي لأن أنا كنت موجه عام للمسرح المدرسي لمدة 30 سنة.
-أبرز الفنانين اللي اتخرجوا على إيدي محمود عبد العزيز وإسماعيل محمود وكوثر العسال وعزيزة راشد.
