قفلت الشقة عشان محدش يسمع صراخهم.. اعترافات المتهم بإنهاء حياة زوجته وابنتيه في طنطا
ينفرد القاهرة 24 بنشر اعترافات المتهم بإنهاء حياة زوجته وابنتيه بدائرة قسم أول طنطا بمحافظة الغربية في القضية رقم 16057 لسنة 2023، بعدما أقدم المتهم على خنقهم وفتح محبس الغاز عليهم داخل شقتهم السكنية.
وأدلى المتهم أمام جهات التحقيق باعترافات تفصيلية حول ظروف وملابسات الواقعة.
وشهدت أولى جلسات محاكمة المتهم بإنهاء حياة صيدلانية طنطا وابنتيه تأجيل القضية إلى جلسة 24 من سبتمبر المقبل.
اعترافات المتهم بإنهاء حياة زوجته وابنتيه
هل تناولت ثمة عقاقير أو أدوية أو مواد مخدرة قبيل ارتكابك للواقعة على النحو المار بيانه؟
لا أنا كنت بكامل وعيي.
هل تعانى من ثمه أمراض نفسية أو تتناول أيه عقاقبر طبية لذلك؟
لا
ما سبب وصولك لتلك الفكرة آنذاك؟
عشان أنا عليا مديونية كبيرة.. والصيدلية والشيكات باسم منى مراتي.. وخوفت عليها من الفضيحة فقررت أخلص عليهم.
كم تبلغ تلك المديونية؟
أنا الديون تراكمت لحد ما وصلت مليون جنيه.
ما هي طبيعة ممتلكاتك تحديدا وكم تبلغ قيمتها المالية؟
عندي شقة وصيدلية بس هما باسم مراتي.. وعندي محل وقيمتهم تقريبا 3 مليون جنيه.
لماذا لم تقم بالتصرف بالبيع بأحد ممتلكاتك لسداد مديونياتك؟
لأن الوقت كان قليل وفيه شيكات عايزة تتسدد ومديونيات لازم تتسدد.
ماهي الأعمال التحضرية التي قمت بها لتنفيذ مشروعك الإجرامي؟
أنا قعدت أفكر في الوقت المناسب للقيام بكده.. وقلت أنسب وقت لما منى تروح تودي الولاد الدرس.. وهستناها لما ترجع وأخلص عليها.. وبعد كده أستنى ولادي وأعمل فيهم زي ما عملت في والدتهم.
ما الذي حال دون ذلك؟
أنا كنت واخد احتياطاتي إن محدش يشوف أو يسمع حاجة ومقفل الشقة.. وهجمت عليهم مرة واحدة وخلصت عليهم.
هل كان المجني عليهم لديهم شعور بقيامك بارتكاب مثل ذلك الجرم؟
لا.. لأن هم كانوا مآمنين ليا.. وأنا خنقتهم غدر وبسرعة.
ما هي الفترة الزمنية التي استغرقتها في سبيل ارتكاب الواقعة؟
أنا فكرت فيها في اليوم اللي قبل ارتكابها.. وخدت القرار ولما بدأت أنفذ لحد ما خلصت خدت نصف يوم.
هل بدر منك التفكير بالتوقف عن إتيان جريمتك عقب إزهاق روح أيا من المجنى عليهم؟
مكنش ليه لازمة إني أوقف.. وأصلا مجاش في دماغي أتوقف عن فكرتي بالتخلص منهم وكنت مصمم أكمل.
ألم تستعطفك ابنتك زينه بالتوقف عن قيامك بالتعدي عليها؟
أيوه هي كانت بتقولي مالك يابابا أنت مش وعيك.
لماذا لم تتوقف آنذاك؟
لأن الشيطان كان راكبني.. وأنا حاسس بالندم دلوقتي.
