مصطفى شوقي: ببدأ واختم أي حفلة بأغنية ملطشة القلوب.. وجمهور القلعة ذوقه مختلف
عبر المطرب مصطفى شوقي عن سعادته بإحيائه حفلًا ضمن فعاليات وحفلات مهرجان القلعة الدولي للموسيقى والغناء في دورته الـ 31، والتي أقيمت بالأمس بمشاركة الفنان أحمد جمال.
وقال مصطفى شوقي خلال لقائه مع القاهرة 24 على هامش حفله بمهرجان القلعة: جمهور مختلف وأذواقه مختلفة، ومكان عريق ومهرجان قديم جدًا بقاله 32 سنة، مستمر وقوي جدًا بمشركة نجوم كتير في الدورات السابقة وكان شرف ليا إني اتواجد النهارده ومسؤلية كبيره جدًا الحمد لله.
وأردف مصطفي شوقي: أنا لازم أبدأ الحفلة بأغنية ملطشة القلوب وعلشان هي أكتر حاجة مسمعة مع الناس وأكتر حاجة لامسة كل الأعمار فلازم تكون هي البداية وهي النهاية، يعني أنا بفتح وبقفل بيها دائمًا.
وتابع مصطفى شوقي: الجمهور هائل جدًا واليوم والوقفة على المسرح جميل أوي، وإنك تشوف الجمهور متفاعل قدامك بيخليك تكون عايز تقعد معاهم 24 ساعة، جمهور القلعة متنوع وجمهور كبير أوي والتذكرة في متناول الجميع وفيه ناس كتير بتيحي من محافظات مختلفة.
ووجه أحمد جمال رسالة شكر للفنان أحمد السلكاوي والفنان ياسر الطبجي اللذان حرصا على حضور حفله بمهرجان القلعة، قائلًا: بشكرهم جدًا وأنا اتشرفت بهما في مسلسل كان تأليف أستاذ محمد الغيطي هم حبايبي ودائمًا في ظهري وبشكرهم جدًا بجد.
