أحمد جمال: مهرجان القلعة بيخاطب الجمهور اللي مش هيقدر يروح الساحل
أعرب الفنان أحمد جمال عن سعادته بمشاركته في مهرجان القلعة الدولي للموسيقى والغناء، في دورته الـ 31، مع الفنان مصطفى شوقي.
وقال أحمد جمال خلال لقائه مع القاهرة 24 على هامش حفله بمهرجان القلعة: مهرجان القلعة بيخاطب جميع الفئات وبيلبي جميع احتياجات الجمهور الذي لا يستطيع الذهاب إلى الساحل الشمالي؛ لأن الأسعار بتكون غالية جدًا.
وأضاف أحمد جمال: السنة دي عاملين حاجات مختلفة عن السنة اللي فاتت ويا رب يعجب الناس والمفاجآت هتكون إننا مختارين أغاني جديدة الناس ما سمعتهاش قبل كده وأول مرة أغنيها ما بين القديم والجديد.
أعمال أحمد جمال الجديدة
أما عن أعماله الجديدة، أشار أحمد جمال إلى أنه يعكف على تحضير أغنية رومانسية جديدة، المقرر طرحها خلال الفترة المقبلة.
وعن رأيه في الذكاء الاصطناعي، أردف: لم يضايقني ومفيش مانع نسمع الأغاني بصوت حد تاني وطالما مبيضرناش مفيش مانع ولحد الآن أنا شايف إننا بنلعب بيه يعني.
أحمد جمال في مهرجان القلعة
قدم أحمد جمال خلال حفله في مهرجان القلعة العديد من الأغاني التي تفاعل معها الجمهور بشكل ملحوظ، وبدأ الحفل بأغنية أنا اشتريت، كما وجه رسالة إلى الجمهور: وحشتوني بقالي سنة مشوفتكوش.. كل سنة وأنتم طيبين إن شاء الله كل سنة وإحنا مع بعض.. بقالنا كدا 7 سنين في وش العدو مع بعض في المهرجان.
