أشهر سباك مجاري بالأقصر: بحب أكلها بعرق جبيني والشباب مش عايز يشتغل
يسير بدراجة قديمة متهالكة معلق عليها بعض الأسياخ الحديدية وجاروف وحجارى حديد وسط شوارع مدينة الأقصر، حتى صار اسم شهرته أبو حديدة، يعرفه الصغير والكبير وهو الرجل السبعيني ذو الابتسامة والوجة البشوش، وبالرغم من سنة المتقدم لم يستسلم للجلوس في المنزل ويطوف باحثا عن غرف الصرف الصحي المعطلة للمنازل لتسليكها.
أبو حديدة أشهر وأقدم مسلك مجاري في الأقصر
قال محمد محمد أحمد عبد الكريم الشهير بأبو حديدة 72 سنة أشهر وأقدم سباك مجاري في الأقصر للقاهرة 24: أعمل في تسليك غرف المجارى والعمارات الأرضي منذ 25 عاما بمدينة الأقصر.
وأضاف أبو حديدة: كنت عاملا في شركة المياة والصرف الصحي بالأقصر من عام 1988 وحتى 2012 حيث خرجت على المعاش واول مرتب قبضتة كان 40 جنيه، وسر تسميتي بأبو حديدة هو تشابه اسم الجد عبد الكريم مع زميل لي في العمل وحتى يتم التفرقة بيننا أطلقوا علي لقب أبو حديدة في الشركة.
بحب أكلها بعرق جبيني
وأشار أبو حديدة: بالرغم من كبر سنى وخروجى على المعاش لم استسلم لقعدة البيت فأنا أحب النشاط والحركة وممكن اتجنن لو قعدت في البيت، وبكافح ويشتغل والحمد لله عمرى ما مديت إيدي لحد ولا طلبت حاجه من حد وبحب اكلها بعرق جبيني وعايش مستور ومعيش 3 أبناء: ولدين وبنت.
الشباب عاوزة تقعد على مكاتب
وقال أبو حديدة: الشباب دلوقتي مش عاوزة تشتغل عاوزين يقعدوا على مكاتب ويدفعوا 100 جنيه في قصات شعر غريبة، ده أنا بحلق شعري ودقني بـ10 جنيه، وبعدين نجبلهم مكاتب منين دلوقتي، ونصيحتي ليهم اشتغلوا واجتهدوا واتعبوا واشقوا وربنا هيكرمكم بدل الشكوى كل شوية.
