اشتغلت شغلانة أني أحضن واحد وأقبض وأروح.. أبرز تصريحات محمد أنور التلفزيونية
كشف الفنان محمد أنور، الكثير من الأسرار حول حياته الشخصية والفنية، بجانب الحديث عن تفاصيل المهنة التي كان يعمل بها قبل التمثيل.
وأكد محمد أنور خلال تصريحات تلفزيونية، أنه يتمنى العمل مع الفنانة عبلة كامل، معلقًا:أهم الكوميديانات بالنسبة لي هي عبلة كامل، واللي نفسي أشتغل معاها أو حتى أشوفها في الحقيقة.
وعن أغرب المهن الذي عملها بها قبل التمثيل، رد محمد أنور:اشتغلت شغلانة الناس ممكن تشوفها عيب بس هي شغلانتي إني أحضن واحد بس كنت بروح من الصبح لحد المغرب أحضنه وأقبض وأروح.. كانت شغلانة الجبسمبورد.
وتابع محمد أنور: كان ساعات الحاجات دي في بلكونة فهو محتاج علشان يشتغل أنه حاجة تكون حاضناه.. علشان ميقعش ويموت، فأنا بروح من الصبح أحضنه وبنريح في النص كدا، وبرجع أحضنه تاني وأقبض وأروح.
محمد وانتقادات فيلم مستر إكس
وعلى جانب آخر، رد محمد أنور مؤخرًا على انتقادات فيلم مستر إكس، بطولة الفنان أحمد فهمي، والذي يعرض حاليا في السينمات، حيث قال خلال تصريحات إذاعية: أنا شايف إن الموضوع بسيط وخد حجم أكبر من حجمه، هو أتعمل زي حملة كده على السوشيال ميديا للترويج لعمل تاني، ولكن فيلم مستر إكس عادي جدًا ومفيش فيه إيحاءات، هو لفظ أو اتنين في الفيلم كله ولكن متتاخدش كإيحاء أصلًا، لأن كلمة إيحاء يعني مشهد، ولكن في العادي لو عائلة دخلت الفيلم مش هتاخد بالها أن الكلمة تقصد حاجة، لأن مفيش حاجة تخدش الحياء.
