حيلة شيطانية ومفاجآت جديدة في واقعة طالبة طنطا.. المتهمة: صاحب الشقة قال لي ولعي في السرير بالبنزين وأنا هتصرف
كشفت اعترافات الفتاة المتهمة بقتل صديقتها وتقطيع جثتها داخل شقة بقرية سبرباي بدائرة مركز طنطا بمحافظة الغربية، وإلقاءها على شاطئ مصرف قرية سبرباي محل البلاغ، عن مفاجآت في تلك القضية المعروفة إعلاميًا بـ طالبة طنطا، وتبين وجود متهم ثان اشترك مع المتهمة الأولي في قتل المجني عليها ويدعى بيشوي.
اعترافات المتهمة بإنهاء حياة طالبة طنطا
ويواصل القاهرة 24 في نشر تحقيقات قضية طالبة طنطا فرح المقتولة على يد صديقتها، بعد أن اعترفت المتهمة بارتكاب الواقعة بالاشتراك مع صاحب الشقة مسرح الجريمة.
تفاصيل قتل فتاة علي يد صديقتها
وقالت المتهمة آية هاني أمام جهات التحقيق: بعد ماخبط فرح بالسكينة وقعت علي الأرض وكانت بتضحك ومكنتش بتصوت، وكانت مغمضة فأنا حطيت إيدي علي نفسها لقيتها بتتنفس فأخدت الموبايل بتاعها والعلبة، ونزلت جري على بيشوى صاحب الشقة، وهو عنده محل هدوم، في نفس الشارع هناك في سبرباي، وقولت له كل اللي حصل وقولت له بلغ الحكومة وأنت صاحب الشقة، قالي لا مش هبلغ وملكيش دعوة وأنا هبلغ بعدين.
جيبي ازازة بينزين وملل السرير وولعي فيها
وكشفت المتهمة بقتل طالبة طنطا عن اعترافات تفصيلية عن ارتكاب الجريمة قائلة: بيشوي قال لي عشان تخلصي روحى جيبي إزازاة البنزين ودلقيها في الأوضة وقال لي كمان هاتي من الأوضة الثانية ملل الخشب بتاع السرير، وحطي عليها بنزين وحطي الممل في الجنب في الأوضة اللي فيها فرح واقفلي الأوضة وانزلي، فأنا وقفت توكتوك وقولت له وديني البنزينة بتاع سبرباي، فركبت معاه وجبت البنزين في إزازة ورجعت تاني عند محل بيشوي ودخلت له وقلتله البنوين أهوه، فقالي اطلعي واعملي زي ماقولت لك، فأنا طلعت الشقة ودخلت لقيت فرح نايمة علي جنبها اليمين وحطيت إيدي علي نفسها ملقتش أي نفس فيها من بعيد ملقتش أي نفس ومكنتش بتتحرك خالص، وبعدين أنا جبت الملل من الأوضة التانية وحطيتها في جنب الأوضة اللي فيها فرح ورشيت على الملل البنزين زي ما بيشوي قالي وقفلت الأوضة علي فرح ونزلت رحت علي بشوي في المحل، وأخدت منه تليفون فرح، وقالي بيعيه وأنتِ ليكي فلوس عندها فأنا اخدته.
واستكملت: رُحت بيت أمي أبات عندها في السنطة ونمت هناك، وتاني يوم رحت بيت أبويا في شارع الجلاء بطنطا، وبعدها روحت شارع طه الحكيم أبيع تليفون فرح، وطوال الأيام دي كان بيشوي يكلمني يطمن عليا من أرقام غريبة وكنت بقول له عملت إيه كان بيقول لي متخافيش أنا تصرفت.
وكانت مدينة طنطا بمحافظة الغربية شهدت العثور على جثة فتاة مجهولة الهوية في حالة تعفن ملقاة على شاطئ مصرف قرية سبرباي بدائرة مركز طنطا، والعثور علي ساقيها مفصولة وملفوفة داخل عباءة وتبين أن صديقتها وراء ارتكاب الواقعة بالاشتراك مع صاحب الشقة.
