غالية بنعلي: صوتي مش أنثوي ولا رجالي.. وبقول لو ربنا عنده صوت هيبقى أم كلثوم
عبّرت الفنانة التونسية غالية بنعلي عن مدى حبها لكوكب الشرق أم كلثوم، قائلة إن الله إذ كان لديه صوتًا سيكون مثل كوكب الشرق؛ لأنها تجمع بين صوت المرأة والرجل.
وقالت غالية بنعلي خلال لقائها مع القاهرة 24: يمكن صوتي لا هو أنثوي ولا رجالي دي حتى موجودة في أم كلثوم لما كبرت، ولما كنت صغرة كنت بسمع أم كلثوم وبقول لو ربنا كان عنده صوت هيبقى صوت أم كلثوم؛ لأنه بيجمع صوت الست والراجل وكأنه كامل، ده صوت رباني خام ونازل بيقول الكلام بقوة زي البرق والرعد.
وأردفت بنعلي: أم كلثوم عندها عالم بتاعها، وعندها حضور وشخصية قوية وحوليها ناس جامدة، معرفش هي جامدة ولمت ناس جامدة حوليها، ولا الناس الجامدة هما اللي اتلموا حوليها، أم كلثوم واحدة مفيش غيرها، وإن شاء الله أكون واحدة مفيش غيري.
وأضافت غالية: معنديش وقت كتير، ولما بيبقى عندي وقت لحفلة بحضر حاجات خام وتقيلة نسمعها في الحفلة.
غالية بنعلي في مهرجان القلعة
وأحيت غالية بنعلي حفلًا بالأمس ضمن حفلات الدورة 31 من مهرجان القلعة الدولي للمسرح والغناء، بمشاركة فرقتها، والموسيقار هشان خرما، وقدمت غالية العديد من الأغاني التي تفاعل معها الجمهور بشكل ملحوظ.
