سهر الصايغ تنصح الجمهور كطبيبة أسنان: بلاش تبييض الأسنان.. وهذا رأيي في الهوليوود سمايل

وجهت الفنانة سهر الصايغ لجمهورها، عدة نصائح بشأن صحة أسنانهم كطبيبة أسنان، مشيرةً إلى إنها لا تفضّل الهوليوود سمايل الشهيرة لدى أغلب المشاهير. 

وقالت سهر الصايغ خلال تصريحات تليفزيونية: قد يبدو الكلام بسيط بس اغسلوا سنانكم مرة أول ما تصحوا ومرة قبل ما تناموا، وده ممكن يضايق دكاترة السنان مني بس بلاش تبييض الأسنان باستمرار.

وتابعت سهر الصايغ موضحةً: تبييض الأسنان باستمرار ده مش حلو لطبقة المينا، وقللوا من السجاير ولازم يبقى في وعي في صحة الأسنان أكتر من كدة، ونروح كل 6 شهور نعمل تنضيف أسنان وتشيك أب على أسنانا.

وأضافت سهر الصايغ، مشيرةً إلى إنها لا تفضّل الهوليوود سمايل الشهيرة، وقالت: مش بفضل الهوليوود سمايل لأني بعمل أدوار مختلفة فممكن أدوار تبقى مناسبة لهذه الخاصية وأدوار لأ، فعشان مكنش محصورة في أدوار معينة، وهي ليها عيوب معينة بتتعملها، يعني مش أي حد يعملها.

سهر الصايغ: بستقبل الانتقادات والتعليقات السلبية

وعلى جانب آخر، كانت أكدت سهر الصايغ على أنها تستقبل الانتقادات بشكل كبير، وقالت خلال تصريحات تليفزيونية: أنا بستقبل التعليقات السلبية والانتقاد من الجمهور، وبقرأ كل تعليقاتهم، وفي ناس صغيرة كدة بترمي كلام وخلاص عشان تضايقني، ولكن فيه ناس تانية بتنقتد من دافع الحب وعايزة تنصحني.

أعمال سهر الصايغ  

وعلى الجانب المهني، شاركت سهر الصايغ في موسم رمضان الماضي، من خلال مسلسل بابا المجال، بطولة الفنان مصطفى شعبان، وعدد من الفنانين، أبرزهم الفنانة جومانا مراد، نسرين أمين، سوسن بدر، وغيرهم.

سهر الصايغ: أتمنى بناء مستشفى خيري.. والناس زعلت من خبر انفصالي