محمد صلاح العزب: ليه نقارن مسلسل السفاح بـ جعفر العمدة؟.. وإحنا الأعلى على السوشيال ميديا
تحدث السيناريست محمد صلاح العزب عن نجاح مسلسل السفاح وتفاعل الجمهور معه، وعن رأيه بمقارنته بمسلسل جعفر العمدة بطولة الفنان محمد رمضان.
وقال محمد صلاح العزب خلال لقائه مع الإعلامية إنجي أنور: الحمد الله رب العالمين على الأرقام اللي محققها مسلسل السفاح، ومش عارف ليه نقارن المسلسل بـ جعفر العمدة تحديدًا.
وأضاف العزب: إحنا الحمد الله نعتبر أعلى من كل الحاجات على السوشيال ميديا وعلى الوجود في الشارع، والموضوع حقيقي إحنا مش مشترين تريندات، والتريندات دي ليها أسعار معروفة وعدد أيام معين عشان تطلع تريند.
واختتم محمد صلاح حديثه: مسلسلات رمضان في العادة بتبقى مدفوعة، إلا لو الحاجة الناس حبيتها بشكل حقيقي ونجاح حقيقي مع الناس مش مصنوع.
وفي سياق آخر، أوضح العزب في تصريح سابق لـ القاهرة 24: إحنا مش بنعمل عمل توثيقي أو فيلم تسجيلي عن السفاح عشان نحتاج نكلم أهله، ونعرف تفاصيله، إحنا مش بنعمل حاجة متعلقة بحياته الحقيقية، إحنا بنعمل عمل درامي هو بالكامل من خيال المؤلف، لكن مُستند على وقائع حقيقية وهي جرائم السفاح.
مسلسل السفاح
حقق مسلسل السفاح نجاحًا كبيرًا بمواقع التواصل الاجتماعي، وضم عددا كبيرا من النجوم أبرزهم: أحمد فهمي، ركين سعد، داليا شوقي، صلاح عبد الله، باسم سمرة، وعدد آخر من الفنانين، والعمل من تأليف محمد صلاح العزب وإخراج هادي الباجوري، والمسلسل مكون من 8 حلقات وتدور أحداثه في إطار تشويقي درامي حول قضية سفاح الجيزة الذي ارتكب 4 جرايم قتل ما بين شقيقة زوجته وغيرهم، وتم حبسه بسبب قضية سرقة.
