طارق الشناوي: فيلم أولاد حريم كريم من أسوأ الأعمال الفنية وملوش علاقة بالسينما دلوقتي
أبدى الناقد طارق الشناوي، رأيه في فيلم أولاد حريم كريم، بطولة الفنان مصطفى قمر، والذي يعرض حاليا في دور العرض المصرية.
تصريحات طارق الشناوي عن فيلم أولاد حريم كريم
وقال طارق الشناوي خلال تصريحات تليفزيونية: فيلم أولاد حريم كريم من أسوأ الأفلام والأعمال الفنية، والفيلم اتعمل بطريقة فيها تراجع، وملوش علاقة لا بالجزء الأول ولا بفن السينما اللي بنعيشه دلوقتي.. ومصطفى قمر مشكلته إنه عايش على الزمن القديم.
ويشارك في بطولة فيلم أولاد حريم كريم العديد من الفنانين أبرزهم الفنان مصطفى قمر، داليا البحيري، بسمة، بشرى، علا غانم، ريهام عبد الغفور، تيام مصطفى قمر، رنا رئيس، وآخرون، والعمل من إخراج علي إدريس.
وتحدث مصطفى قمر لـ القاهرة 24، عن حماس الجمهور لفيلم أولاد حريم كريم، والجزء الثاني من الفيلم، قائلا: الجمهور عنده فضول، وعايز يشوف فيلم أولاد حريم كريم، عايزين يعرفوا إيه اللي حصل والأبطال والناس دي عملوا إيه، ويا ترى الجزء ده أحلى ولا الجزء الأول.
وعن السبب وراء غياب الفنانة ياسمين عبد العزيز عن الجزء الثاني من فيلم حريم كريم، الذي ظهرت بالجزء الأول منه، أوضح مصطفى قمر: ياسمين عبد العزيز مش موجودة في الفيلم؛ لأن المؤلفة زينب عزيز كاتبة الجزء التاني دراميًا بشكل معين، هي كاتباه إنه يكون أرمل، عشان عايزة تخلق قصص حب جديدة عنده، وعايزين نشوف كريم بأحاسيس مختلفة، ولما كبر بقى بيشوف المرأة بشكل مختلف.
