المتهم بإنهاء حياة مهندس بالتجمع الخامس: أنا سواق لودر من زمان.. وعارف إن 3 ضربات يموتوا أي حد
شهدت منطقة التجمع الخامس واقعة مأساوية، حيث أقدم سائق على إنهاء حياة مهندس دهسا بـ لودر عمدًا داخل موقع تحت الإنشاء بالعمل بمنطقة التجمع، وحصل القاهرة 24 على التحقيقات في القضية.
أقوال المتهم بإنهاء حياة مهندس بالتجمع الخامس
وقال المتهم أمام جهات التحقيق: اللي حصل إني من صغري بيتعملى أعمال سفلية، ومش عارف أخلص منها لحد دلوقتي، ولما رحت الموقع من 10 أو 11 يوم شوفت المهندس فادي، وکنت بحاول أتجنبه وامبارح عرفت أنه بتاع أعمال سفلية.
وتابع المتهم: أنا كنت شغال باللودر في الموقع ولقيت ممدوح قاعد مع المهندس فادي قدام العمارة اللي شغال فيها المهندس فادي، وحسيت إنهم بيبصولي وإن المهندس فادي بيتكلم عليا وعايز يمشينني فاستنيت الأستاذ ممدوح يمشي من المكان.
وأردف: أول ما لقيت المهندس فادي ماشي قدام العمارة اللي جنب العمارة، اللي شغال فيها لوحده، رحت له باللودر، وخبطته بسقف سكينة اللودر في صدره من ناحية اليمين فوقع على ضهره، وبعد كده عدلت سكينت اللودر ورفعتها لفوق وخليت السكينة مقلوبة، ونزلت عليه بشفرة السكينة وهي مقلوبة في صدره ورفعتها ونزلت بيها تانی، وبعد كده لقيت واحد بيجرى عليا وبيزعق.
وأضاف المتهم خلال التحقيقات: أنا وقفت عشان كان خلاص نزل من راسه دم كثير ومن ودانه، فتأكدت أنه مات، وفضلت واقف فوق اللودر، وبعد كده الناس نزلتني ودخلوني جوه العمارة لحد ما الأمن جه واستجوبني، وقالي خبطته؟ قولتله اه خبطته قالي عن قصد قولتله اه، ولما سألنى ليه قولتله أنا حسيت إن هو عايز يمشينى من الموقع أو يموتني فأنا قولت أموته ودي موتة بموتة.
س: وكيف تيقنت أن المجني عليه فارق الحياة ؟
ج: عشان نزل دم كتير.. وأنا سواق لودر من زمان وعارف إن 3 ضربات يموتوا أي حد.
س: ما هي الإصابات التي لحقت بالمجنى عليه عقب تعديك عليه؟
ج: نزل دم من راسه وودنه.
س: وهل من ثمة شخص شاهد الواقعة وحاول درء الاعتداء الواقع على المجني عليه؟
ج: كان فيه واحد شغال في الموقع بيصوت وييجري عليا، وبيقولي حرام عليك، بس أنا ساعتها كنت خلاص ضربته وتأكدت أنه مات.
س: وما هي بيانات ذلك الشخص؟
ج: مش عارف.. بس هو كان هنا في النيابة.
س: وما الفعل البادر منك عقب ذلك؟
ج: رجعت باللودر لورا ووقفت
س: ولماذا قمت بذلك؟
ج: عشان الناس كانت اتلمت
س: وما هي بيانات سالفي الذكر؟
ج: مكنتش مركز ومخدتش بالي بس هما كانوا كتير.
س: وما الأفعال التي قام بها سالفي الذكر تجاهك؟
ج: أول ما اتلموا عليا مقدروش يعملولي حاجة.
