طليقة صيدلي مدينة نصر: لقيت فيديوهات بأسماء الضحايا على هارد.. وهددني بفضح ولادي |فيديو
كشفت طليقة الصيدلي خالد.م المتهم بالتحرش بعدد من السيدات والفتيات داخل صيدليته، تفاصيل ارتكابه هذه الجرائم، مشيرة إلى أنه كان يتحرش بهن خلال إعطاء الحقن مع تصويرهن بواسطة كاميرات الصيدلية، ثم تفريغ مقاطع الفيديو المسجلة والاحتفاظ بها.
طليقة صيدلي مدينة نصر
وقالت طليقة صيدلي مدينة نصر لـ القاهرة 24: أنا اكتشفت فيديوهات عن طريق الصدفة عن طريق هرد بتاع زوجي قبل طلاقنا كان سايبه في أوضة النوم، وأنا كنت فاكرة إنه عليه أفلام ومسلسلات ووصلته على التلفزيون، واتفاجأت إني لقيت ملفات مقفولين بأرقام سرية، والغريب إنه كل ملف كان باسم ضحية.
وتابعت طليقة صيدلي مدينة نصر: خدت نسخة منهم ولما فتحت الفيديوهات خفت إن ولادي يشوفوا أبوهم بالمنظر ده، وقتها ابني كان في الثانوي وكان صعب أحكيله موقف زي ده، فقررت أسيب البيت وأرفع دعوى ضده في محكمة الأسرة ورفعت قضية طلاق للضرر.
وأضافت: المتهم لما عرف إن رفعت دعوى ضده أنكر قيامه بالتحرش وحاول يبعد التهم عنه ولكن الخبير الفني أكد صحة الفيديوهات، وإن طليقي خالد هو اللي ظاهر في الفيديوهات وارتكب التهم المنسوبة ليه بالتحرش ضد الصغار، وبعدها طليقي هددني إني أتنازل وقالي إنتي كده هتفضحي ولادك ومش هيقدروا يواجهوا المجتمع.
