حسن شاكوش بعد انتهاء خلافاته مع طليقته: إحنا حبايب.. والأخيرة ترد: وعدت ووفيت
وجه مؤدي المهرجانات الشعبية حسن شاكوش، رسالة شكر لطليقته ريم طارق، مشيرًا إلى أنه تم الصلح بينهما وانتهت الخلافات بشكل ودي.
ونشرت ريم طارق مقطع فيديو لحسن شاكوش عبر حسابها على انستجرام، وقال خلاله حسن: أنا طالع من خلال الفيديو بقول إن أنا وريم حبايب ومفيش أي خلافات ولا مشاكل ومن خلال الفيديو بشكرك جدًا يا ريم إنك قولتي كلمة حق ومشفتيش مني أي حاجة وحشة وأنا قبلت اعتذارك وبتمنالك الخير والنجاح في كل خطواتك اللي جاية.
وأردف حسن شاكوش: وبشكر كل الناس اللي اتدخلوا وكلموني عشان نخلص الموضوع بشكرهم جدً اجدًا وتعبوا معايا جدًا وبقول لكل الناس أخواتنا الإعلاميين والصحفيين اللي هما على رأسي من فوق، احنا خلاص حبايب مفيش أي حاجة وهي كانت في يوم من الأيام مراتي ومكنش ينفع أجرح فيها بأي كلمة أو اتكلم اي كلمة تجرحها الحمد لله الموضوع خلص على خير وأنا وريم حبايب دلوقتي ويارب يقدركم على فعل الخير وبشكر كل الناس اللي بتحبني وبتحب ريم.
ريم طارق: لو مكنش حد اتدخل بيني وبين حسن شاكوش كانت المشاكل اتحلت من بدري
وردت ريم طارق على حسن شاكوش، قائلةً: أنا كمان بتمنالك كل خير يا حسن وأكيد احنا حبايب وعايزة أقول حاجة للمتابعين للمشكلة بتاعتنا من الأول إن بلاش أي حد يدخل في مشاكلكم الشخصية حتى لو أقرب الناس ليكم لأنهم من كتر حبهم ليكم ممكن المشكلة تزيد مش تتحل، وده اللي حصل معانا أنا وحسن يمكن لو كانت المشكلة بينا بس كانت اتحلت من بدري وأنا كمان بشكرك يا حسن وأنت وعدت ووفيت لله الأمر من قبل ومن بعد.
