إيمي طلعت زكريا بعد ترويج شائعة وفاة والدها مقتولًا: الذكاء الاصطناعي كارثة ومؤامرة على الفنانين
تحدثت الفنانة إيمي طلعت زكريا، عن الذكاء الاصطناعي واصفة إياه بالكارثة، موضحة أنها اتخذت الإجراءات القانونية ضد إحدى صفحات مواقع التواصل الاجتماعي، التي نشرت فيديو استخدمت خلاله صوت والدها الراحل.
وقالت إيمي طلعت زكريا، خلال لقائها مع القاهرة 24، عن الذكاء الاصطناعي: الذكاء الاصطناعي ده كارثة، وأنا حاسة إنه مؤامرة على الفن المصري والفنانين.
وتابعت إيمي طلعت زكريا: إحنا لازم نعرف مين ورا ده، وأنا قدمت بلاغ من فترة في إحدى الصفحات اللي استخدمت صوت بابا وقالوا أنه مات مقتول على إيد صديقه، ومعايا رقم المحضر وماشية في الإجراءات.
ابنة طلعت زكريا تتخذ الإجراءات القانونية ضد مروجي شائعات وفاة والدها مقتولًا
سبق وكشفت إيمي طلعت زكريا، في تصريحاتها لـ القاهرة 24، تفاصيل اتخاذها إجراء قانونيًا ضد إحدى الصفحات التي استخدمت صوت والدها الراحل عن طريق الذكاء الاصطناعي، مروجين أنه مات مقتولًا على يد أحد الفنانين، حيث قالت: أول مرة يطلع شائعات بالشكل السخيف ده، وتريند الذكاء الاصطناعي بقى سخيف جدًا وبيتكلموا في حاجات مينفعش يتكلموا فيها، وطبيعي لما أشوف فيديو زي ده لازم أخد إجراء بطريقة أسرع، والمحضر هيكون في النيابة قريب.
وأضافت إيمي طلعت زكريا، أن هناك عددا من أبناء الفنانين الذين تقدموا ببلاغات ضد مروجي الشائعات، قائلة: مش أنا لوحدي اللي قدمت بلاغ فيه عدد كبير من أبناء الفنانين قدموا بلاغات، وإن شاء الله مش هنسكت على الموضوع ده المرة دي، لأنه بقى صعب وسخيف والتشهير بقى كتير.
