المؤلفة إنجي أبو السعود: مشاركتي كممثلة في سفاح الجيزة تحدي.. وكان لازم أنسى اللي كتبته
تحدثت المؤلفة إنجي أبو السعود، عن مشاركتها في مسلسل سفاح الجيزة، كممثلة، بجانب كتابتها للعمل كمؤلفة، بمشاركة المؤلف محمد صلاح العزب، والمؤلف عماد مطر.
وقالت إنجي خلال تصريحات لـ القاهرة 24: مشاركتي بدور نور في سفاح الجيزة كانت تحدي شوية، لإني كنت محتاجة أفصل تماما إني إنچي اللي كاتبة أحداث المسلسل، وبين إني دلوقتي نور اللي مضحوك عليها وبتحب حسن -أحمد فهمي-.
وأضافت إنجي أبو السعود راويةً كيف استطاعت الفصل بين شخصية إنجي الكاتبة، وبين نور التي تجسدها داخل أحداث العمل، وقالت: مكانش قدامي حل غير إني أقنع نفسي إني نور، وأنسى إنچي دي تماما، وأقنع نفسي إني فاقده الذاكرة مؤقتًا علشان أنسى كل حاجة أنا كاتباها وعارفاها.
عماد مطر يتحدث عن مشاركته في كتابة سفاح الجيزة
من جانبه، تحدث المؤلف عماد مطر، عن مشاركته في فريق كتابة مسلسل سفاح الجيزة، المكون من المؤلف محمد صلاح العزب، وإنجي أبو السعود، وقال في تصريحات لـ القاهرة 24: الحقيقة مقابلناش مشاكل خالص في الكتابة، من أول شغلي مع إنجي بصفتها أكتر حد اشتغلت معاه، كنت حاسس إننا بنكمل بعض وفيه توافق عقلي بيننا، وكمان كان فيه اتفاق بيننا كفريق للكتابة وبين فريق العمل إننا نعمل حاجة تكون مميزة ومختلفة.
مسلسل سفاح الجيزة
يشارك في بطولة مسلسل سفاح الجيزة، كل من الفنان أحمد فهمي، ركين سعد، داليا شوقي، باسم سمرة، وغيرهم، والعمل من إخراج هادي الباجوري.
