عمرو سلامة: لما ببقى مبسوط نفسيًا باعمل سيرش على اسمي على تويتر بشكل أقل
كشف المخرج عمرو سلامة، الفرق بين تعامله مع مهنة الإخراج بين الماضي والحاضر، كما تحدث عن أهمية تلقي الأشخاص للعلاج النفسي.
وقال عمرو سلامة في تصريحات تليفزيونية: اللي بعمله دلوقتي إني صححت نيّتي في إني أنا ليه بشتغل مخرج، زمان كنت بعمل أفلام عشان أوري العيال اللي في الفصل اللي كانوا بيتنمروا عليا إني بقيت مخرج.
عمرو سلامة: لما ببقى مبسوط نفسيًا بعمل سيرش على اسمي على تويتر بشكل أقل
وتابع سلامة: لكن النهاردة مش بخرِج عشان حد يسقفلي، بخرِج عشان عايز أتبسط إني طلعت فكرة كانت على السرير ودلوقتي في ناس بتشوفها، فبقيت بتبسط بالرحلة أكتر من النتيجة، وبقيت لما ببقى مبسوط نفسيًا بعمل سيرش على اسمي على تويتر بشكل أقل، مش محتاج التصقيف.
وتطرق عمرو سلامة، للحديث عن أهمية العلاج الشخصي وتلقي الأشخاص له، وقال: العلاج النفسي شيء مهم جدا وأكتر حد محتاج له هو اللي فاكر إنه معندوش مشاكل، وأنا اللي أجبرني على العلاج النفسي، إني وصلت لمرحلة إني عندي مشاكل ملموسة وجربت كل الحلول لحلها واتبقى بس العلاج النفسي بس.
كما كان كشف عمرو سلامة قصة تعرضه للتنمر وهو طفل في المدرسة، وقال: كنت طول الوقت في المدارس اللي روحتها بتعرض للتنمر، بسبب رُفعي أو حاجات تانية، فكنت بفكر إزاي ممكن أبهرهم برسمي أو كتاباتي، عشان محتاج إنهم يحبوني.
