أولادي نقطة ضعفي ولو هعلم الناس حاجة هتكون أنهم ميكذبوش.. أبرز تصريحات أكرم حسني
تحدث الفنان أكرم حسني عن معنى كلمة النجاح بالنسبة له، بجانب رأيه في تأثير وفاة والده عليه، وعن معاملته مع أولاده ورأيه في الشهرة وعيوبها، وذلك خلال تصريحاته في برنامج AB TALKS.
أبرز تصريحات أكرم توفيق
ـ النجاح بالنسبة لي أحلى فترات حياتي.
ـ سيبت كارير مختلف عشان بحب الفن من وأنا صغير وعايز أبقى حاجة في الفن.
ـ علاقتي بأولادي تمثلي لي شيء كبير.. وبحاول اتبسط في الدنيا وأؤثر في الناس بشكل لطيفة.
ـ لو هعلم الناس حاجة هي أنهم ميكذبوش لأن الكذب من الحاجات المَرضية.
ـ لو معايا ورقة فيها تاريخ وفاتي مش هفتحها.. وعندي رقم متكرر في حياتي وبقول ما يمكن ده اليوم اللي هتوفى فيه.
ـ أولادي نقطة ضعفي.. وأكتر حاجة محتاجها في حياتي هي الصحة والستر.
ـ عندي تحدي دايمًا أني أفصل بين حياتي الشخصية وبين شغلي.
ـ كل ما افتكر أبويا قلبي يحزن.. وهو ارتاح من العذاب اللي كان بيشوفه.
ـ تجربة طلاقي الأولى علمتني إزاي أعمل اللي يراضيني.
ـ أكبر عيب فيا هو التردد، وباخد وقت كبير في اتخاذ قرارتي.
ـوبحب في الشهرة حب الناس، واللي مش بحبه فيها الخصوصية، وأن التصرفات لازم تكون محسوبة.
ـ الحنان بيفرق جدًا مع الأطفال، وبيخليهم أسوياء نفسيًا.
آخر أعمال أكرم حسني
يعد فيلم العميل صفر آخر أعمال أكرم حسني، وحقق نجاحًا كبيرًا في دور العرض بالسينمات، حيث ضم عددا كبيرا من النجوم أبرزهم الفنانة أسماء أبو اليزيد، فيدرا، بيومي فؤاد، مصطفى غريب، منذر رياحنة وغيرهم، والعمل من تأليف وائل عبد الله وإخراج كريم العدل، وتدور أحداثه في إطار كوميدي اجتماعي.
