الكوميديا لعبتي وبخاف أختار أدواري عشان المنتجين بيزعلوا.. أبرز تصريحات بيومي فؤاد مع شريف عامر
حل الفنان بيومي فؤاد ضيفًا على الإعلامي شريف عامر في برنامجه يحدث في مصر، وكشف خلال لقائه عن العديد من الأسرار حول مشواره الفني، إلى جانب حديثه عن النصيحة التي وجها له الزعيم عادل إمام.
نستعرض لكم في هذا التقرير أبرز تصريحات بيومي فؤاد التلفزيونية:-
-أستاذ عادل إمام قالي خلي لأ في قوة أيوة، بس أنا مش عارف أقول لأ.
-بخاف أختار أدواري عشان المنتجين بيزعلوا.
-عمري ما اشتغلت حاجة دون المتسوى من أيام ما كنت بعمل جمعية عشان أدخل عيالي المدرسة.
-البطولة الجماعية دي شيء جميل جدًا.. وبقولهم لا أنا بطل ولا نجم ومرضي باللي أنا فيه.
-اتشهرت على كبر وعمري ما حلمت باللي وصلت ليه.
-سافرت للخارج عشان أخس لأنى برفض العمليات التى تساعد على التخسيس.
-المسرح مهما عظم جمهوره مش هيبقي زي التلفزيون والسينما.
تصريحات بيومي فؤاد
-أدعى أن الكوميديا لعبتي وبيتقال أني شاطر فيها.. والدور الأقرب ليا عزيز فى وش في وش.
-وش في وش أصعب فيلم قدمته وراهنت على نجاحه.
-أشرف زكي كان بيتريق عليا زمان كان بيقوليّ بشوفك ببدلة واحدة في 6 مسلسلات.
-أنا بيتعرض ليا حاليًا 5 أفلام ولسه فيه 3 أفلام هيتعرضوا لاحقًا.
-أنا أهلاوي وأتمنى عودة الزمالك.
-الكورة دي نعمة كبيرة لأنها بالنسبة ليّ ولملايين الناس متنفس السعادة.
-في ماتش الأهلي اللي جاي عندي تصوير فيلم الإسكندراني طلبت منهم يوفروا ليّ شاشة أتفرج على الماتش.
