السيسي: مصر دولة فيها 105 ملايين مواطن.. ونستوعب 9 مليون ضيف بفضل الله
قال الرئيس عبد الفتاح السيسي، رئيس الجمهورية: إن مصر دولة فيها 105 مليون، ونستوعب 9 مليون ضيف بفضل الله.
وأضاف الرئيس السيسي في كلمته منذ قليل على هامش افتتاح عدد من مشروعات حياة كريمة بمحافظة بني سويف: طيب احنا ربنا سبحان وتعالى ساترها علينا؟ أنا على المستوى الشخصي حاسس إن ربنا ساترها علينا وأرجو أن تقبلوا شرحي وحجتي في إن الظروف صعبة، وأشكركم على الصبر والتحمل وندعي إن الله يعيننا كلنا.
وتابع: إحنا ما بنعملش حاجة وحشة.. إحنا كمصر في سياستها وتعاملها بفضل الله ما بنعملش حاجة وحشة.. وده بيخلينا متطمنين إننا مش بنأذي حد، وبنحاول نكون عامل خير وإيجابي بكل تعاملاتنا، ولما بيكون فيه مشكلة بنحاول نحلها بصبر وهدوء وطولة بال.
على جانب آخر، قال الرئيس عبد الفتاح السيسي، إن الدولة تبذل جهدا كبيرا لإدخال كميات من الأراضي الزراعية في أقرب فرصة ممكنة، موضحا: بنتلكم في 3 أو 4 مليون فدان خلال سنتين أو ثلاثة، بدأنا من 3 سنيين، غير برنامج الريف المصري اللي كان مليون ونصف فدان.
وأضاف الرئيس السيسي خلال كلمته على هامش تفقد وافتتاح عدد من مشروعات المرحلة الأولى من المبادرة الرئاسية حياة كريمة، بقرية سدس الأمراء بمحافظة بني سويف: مسكتناش واشتغلنا عشان يكون في أراضي زراعية أخرى تساهم في توفير فرص عمل للشباب مليون ونصف شاب تقريبًا، وإنتاج من هذه الأراضي يخفف من فاتورة الاستيراد، احنا بنجيب الحاجة وبنستوردها بالدولار، وبنبيعها بالجنيه.
