ليلى عز العرب: مفيش فرعون.. ولو موجود هيكون من الهكسوس مش مصري
تحدثت الفنانة ليلى عز العرب عن القدماء المصريين وأهمية الاهتمام بالهوية المصرية، كما أكدت أن مصطلح فرعون خاطئ ولا يوجد ملك مصري اسمه فرعون ولو وجد سيكون هكسوسيا وليس مصريا.
وقالت ليلى عز العرب في لقائها مع القاهرة 24: مركزة اهتمامي على إحياء الهوية المصري لإن لو إحنا بلا هوية فإحنا ضايعيين ومحتاجين نرجع لأصلنا وأجدادنا وجيناتهم اللي موجودة فينا لحد النهارده.. وأي حد فينا مصري لو عمل تحليل DNA هيطلع 86 % على الأقل من جيناته تنتمي للمصرين القدماء.
وأضافت ليلى عز العرب: لكي نقدم عملا محترما لازم تكون الدولة وراه، زي موكب المومياوات عملته الدولة وأبهرنا العالم كله.
وأردفت ليلى عز العرب: مفيش حاجة اسمها فراعنة اسمهم مصريين قدماء.. وفرعون ده مش موجود في مصر ولو موجود هيكون هكسوسي مش مصري ومفيش ملك مصري يحمل اسم فرعون كلهم مسجلين أسماءهم وتواريخهم ومحدش فيهم اسمه فرعون ومحدش لقبه فرعون.. وربنا في القرآن قال هامان وقارون وموسى ومقالش فرعون.
وأشارت ليلى عزب العرب، إلى أن أسرتها كانت تهتم بعمل صالون أدبي؛ الأمر الذي حببها في القراءة والثقافة، قائلة: أسرتي كانت بتعمل صالون أدبي ثقافي بين العيلة وبعضها هو ده اللي حببني في القراءة والثقافة وعلمني أستعمل عقلي فأصبحت من أصحاب العقل وليس من أصحاب النقل.
آخر أعمال ليلى عز العرب
وتشارك ليلى عز العرب في فيلم تاج الذي يعرض حاليًا بدور العرض السينمائي، وهو من بطولة تامر حسني، إلى جانب كل من: دينا الشربيني، هالة فاخر، ساندي، عمرو عبد الجليل، ليلى عز العرب، والعمل من تأليف تامر حسني، وإخراج سارة وفيق.
