غادة عبد الرازق: صراحتي مؤذية.. وممكن أقعد على الكنبة 4 أيام مستحماش
تحدثت الفنانة غادة عبد الرازق عن تعليقات الجمهور لها الأخيرة، وذلك بعد نجاح مسلسل حدث بالفعل حكاية تحت الحزام، وعن صراحتها الشديدة مع الجمهور، قائلة: صراحتي ساعات كانت مؤذية وأذتني شخصيًا.
وقالت غادة عبد الرازق في تصريحات تليفزيونية: فيه ناس بتقولي انتي حوت تمثيل وفيه ناس تقولي انتي غول تمثيل، وفيه ناس تقولي انتي الشخصية بتركبك لدرجة إن إحنا بنخاف منك.. وكل الجمل دي بتخليني أتمسك أكتر بالشيء اللي أنا بحبه.
وعن متابعتها لتعليقات الجمهور دائمًا، علقت غادة: بحب أسمع التعليقات.. أنا لازم أسمع من جمهوري كل شوية.. أنا بحبك انتي شاطرة انتي لسه ممثلة محتفظة بـ الرونق اللي انتي فيه لازم أسمع ده، لإني لولا الجمهور بيقولي كده معرفش أكمل.
غادة عبد الرازق: الجمهور بيقولي بنحب إنك صريحة.. وممكن أقعد على الكنبة 4 أيام مستحماش
واستكملت غادة حديثها: الجمهور بيقولي انتي ممثلة هايلة وشاطرة وبنحب شخصيتك وحبك لبنتك وأحفادك، وبنحب إن أنتي بتظهري على حقيقتك، وبنحب إن انتي صريحة، وساعات صراحتي مؤذية وأذيتني شخصيًا.
وعن تعرضها لمشكلات شخصية، اختتمت غادة حديثها: أنا بني آدمة زي أي حد وعندها مشاكل زي أي حد، وممكن أمر بأزمة مالية زي أي حد.. وممكن أتعب وأروح المستشفى زي أي حد وممكن أكون قاعدة في البيت عندي حالة اكتئاب ولامه شعري وقاعدة على الكنبة.. وممكن أقعد على الكنبة لمدة 4 أيام ولا استحميت ولا قمت.
