حورية فرغلي: محبتش حد من 2002 بعد خطيبي.. ورجالة أصغر مني بتحبني
كشفت الفنانة حورية فرغلي أسرارًا جديدًا بحياتها، وتحدثت عن خطيبها الذي توفي قبل زواجهما، كما أشارت إلى أنها تُحَب من رجال أصغر منها بالسن.
وقالت حورية فرغلي خلال تصريحات تليفزيونية: محبتش حد من 2002.. من بعد ما خطيبي اتوفى قبل جوازنا، مع إني سايبة نفسي خالص بس، خطيبي اللي مات كان 175 كيلو، وكان عنده مشكلة في رجله الشمال، ومع ذلك كنت بشوفه أحلى راجل في الدنيا.
وتابعت حورية فرغلي: كنت ببص على اللي جوة، كل اللي برة هيروح، مش عايزة أشوف شكله، كفاية نكته اللي بتضحكني، وجوده في المكان، ريحة برفانه، من ساعتها بدور على راجل زيه مش لاقية.
وأضافت حورية: قضينا سنتين مفيش بينا ولا خناقة، مضايقنيش، كنت لما بكسب في الفروسية ألاقيه جايبلي تورتة وبيحتفل بيا، طب أنا شوفت الحب ده وعاشرته عشان في الآخر يتاخد مني؟ طبعا ربنا اللي عايز كده بس ساعات بسأل نفسي.
حورية فرغلي: بتحَب كتير من رجالة أصغر مني
كما أشارت حورية فرغلي إلى أنها تُحَب كثيرًا من رجال أصغر منها سنًا، وقالت: أنا بتحَب كتير من رجالة بتصدم لما بعرف سنهم، بيبقوا أصغر مني بكتير، وواحد كان لسة بيبعتلي مسدجات حب كتير وفي الآخر عرفت إن عنده 22 سنة، قولتله قولي طنط يا روحي، راح قالي العمر مجرد رقم، وأنا عامةً معنديش صحاب، محدش بيعزمني على حاجة، لو حد عزمني هروح.
