أبرز تصريحات هاجر الشرنوبي في برنامج الستات: زوجي طلب إيدي من ابني ومحمد الشرنوبي ممكن يبقى جدي
حلت الفنانة هاجر الشرنوبي، ضيفةً على برنامج الستات، الذي تقدمه كل من الإعلامية سهير جودة ومفيدة شيحة، حيث تحدثت خلال الحلقة عن عدة موضوعات مختلفة، بجانب الكشف عن تفاصيل تعرضها للسرقة من الخادمة الخاصة بها.
ونستعرض في السطور التالية أبرز تصريحات هاجر الشرنوبي في برنامج الستات
-محمد الشرنوبي ممكن يبقى عمي أو جدي هو يبقى ابن عمة بابا يعني المفروض عمي بس هو أصغر مني.
-عيطت في كتب كتابي عشان كان نفسي بابا الله يرحمه يكون موجود معايا.
-كان نفسي اسمي الفني يكون هاجر مصطفى الشرنوبي بس كان اسم طويل.
-فاروق الشرنوبي بحبه جدا ودايما بيكون موجود في كل أفراح العيلة ويقعد يغني معانا بالعود.
-دخلت الفن من تحت الصفر ودرست في المعهد العالي للفنون المسرحية وكنت بعمل كاستينج كتير.
-مشاركتي في مسلسل حنان وحنين مع عمر الشريف كان صدفة ووقوفي أمامه كان حلم وحاجة متتصدقش.
-بنت الشغالة بتاعتي كلمتني قالتلي يا هاجر الحقيني قبضوا على ماما وهي بتبيع الحلق بتاعك.
-من أول دقيقة في التليفون مع الضابط قولتله أنا متنازلة عن حقي في سرقة الشغالة ليا.
-مش بحب حد يتضايق بسببي وممكن أجي على نفسي عشان حد.
-مرضيتش أبلغ عن الشغالة بتاعتي بعد رصيد سترها ما خلص واتكشفت لوحدها.
-جوزي الحالي طلب إيدي من ابني وهو بيحبه جدًا وعوض ابني عن باباه المتوفي.
أعمال هاجر الشرنوبي
على الجانب المهني، شاركت هاجر الشرنوبي في موسم رمضان الماضي من خلال مسلسل ليل أم البنات، بطولة الفنان سهير رمزي، وعدد من الفنانين، أبرزهم، منة عرفة، محمد مهران، فريال يوسف، ديانا هشام، حنان سليمان، وغيرهم من الفنانين.
