فادي خفاجة بعد فيديو انهياره على تيك توك: كنت في لحظة ضعف.. ولا حصلت فنان ولا إنسان
أعرب الفنان فادي خفاجة، عن شعوره بالندم على فيديو انهياره في البث المباشر على تطبيق تيك توك، الذي أجراه منذ أيام، مطالبًا فيه بالمشاركة في الأعمال الفنية بعد عدم وجود فرصة عمل له.
ونستعرض لكم في السطور التالية أبرز تصريحات فادي خفاجة، الذي تحدث فيها على أزمته الأخيرة، وذلك خلال مداخلة هاتفية في أحد البرامج التلفزيونية.
-أنا مش قادر أقول أي حاجة غير إني كنت في لحظة ضعف.
-أرجو أي بني آدم على وجه الأرض يفهم إنى إنسان قبل ما أكون فنان.
-لو رجع بيا الزمن ممكن معملش ده تاني ومش عارف أنا عملته إزاي من الضغوطات وحالة اليأس.
-طول الوقت الناس بتسألني إنتا فين؟ فأنا لا حصلت أبقى فنان ولا أبقى إنسان طبيعي.
-الناس لما بتسألني أنت فين بيبقى معنديش إجابات، وبتسأل في اليوم ألف مرة.
-كل الأساتذة اللي اشتغلت معاها كانوا بيشكروا فيا وده إداني أمل وبشوفوا رسالة أمل إني أقدم في معهد الفنون المسرحية.
-لما تواجدت في مسلسل زي الاختيار كنت ضيف شرف وانتظرت بعدها أبواب ربنا تتفتح أكتر.
- أتحدى أن أي مخرج يقول مبجيش في معادي، لو منتج واحد يقول إني بناقشه في الأجر.
-كنا زمان بنعرف نقابل المخرج دلوقتي بقى نظام جديد مبعرفش أتواصل معاه.
سبب انهيار فادي خفاجة
وفاجأ فادي خفاجة جمهوره مؤخرًا، بفيديو له وهو ينهار، عبر حسابه الشخصي بـ تيك توك، حيث قال: مين معندوش أخطاء أجدع واحد في لايف هنا لو قعد ثانية مع نفسه هيلاقي نفسه كله أخطاء.. أقرب صديق ليا هو اللي بيهاجمني، البني آدم الوحيد اللي كنت منتظره في غلطي يدافع عني، ضربني في ضهري.. مهما قالوا متكلمش هتكلم عشان أقل حقوقي إني أشتغل.
